Dınara Sheglova 1982 jyly Shyǵys Qazaqstan oblysy, Semeı qalasynda dúnıege kelgen.

2004 jyly L. N. Gýmılev atyndaǵy Eýrazıa ulttyq ýnıversıtetin, 2007 jyly — T. Rysqulov atyndaǵy Qazaq ekonomıkalyq ýnıversıtetin, 2012 jyly — Qazaq ekonomıka, qarjy jáne halyqaralyq saýda ýnıversıtetin támamdaǵan.

Mamandyǵy boıynsha — menedjment, aqparattyq júıeler bakalavry.

Eńbek jolyn 2001 jyly bastaǵan. Túrli jyldary komersıalyq qurylymdarda eńbek etken.

2008–2009 jyldary QR-daǵy Dúnıejúzilik bank ókildiginde keńesshi qyzmetin atqarǵan.

2011 jyldan bastap 2018 jylǵa deıingi aralyqta — «Zerde» ulttyq ınfokommýnıkasıalyq holdıńi» AQ bas menedjeri, aqparattandyrýdyń servıstik modeli departamentiniń dırektory, basqarýshy dırektory, basqarma tóraǵasynyń keńesshisi laýazymdaryn atqarǵan.

2018 jyldyń qańtar aıynan bastap qazirgi tańǵa deıin «Zerde» UIH» AQ basqarma tóraǵasynyń orynbasary qyzmetin atqarǵan.