Búgin QR prezıdenti Nursultan Nazarbaev Beıjiń qalasynda QHR tóraǵasy Shı jın pıńmen kezdesti. Qazaqstan delegasıasy qurmynda elimizdiń birqatar mınıstri bar.
Prezıdent pýlynyń qatarynda Beıjińge barǵan Qamshy.kz aqparat agenttiginiń jetekshisi Bilál Qýanyshtyń habarlaýynsha, Qytaı tarapy Elbasyny saltanatty túrde qabyldady. Beıjińdegi Halyq jınalysy úıiniń aldynda sap túzegen áskerıler Qazaqstannyń Memlekettik ánuranyn orkestrmen oryndap, Nursultan Nazarbaevqa zor qurmet kórsetti.
Bul – eki el basshysynyń 18-shi ret júzdesýi.
Sapar barysynda Qytaı Halyq Respýblıkasynyń Tóraǵasy Shı jın pıńmen, Qytaı Halyq Respýblıkasy Memlekettik keńesiniń Premeri Lı Kesánmen, Qytaı Halyq Respýblıkasy Búkilqytaılyq halyq ókilderiniń jınalysynyń Turaqty komıtetiniń Tóraǵasy Lı Chjanshýmen joǵary deńgeıdegi kezdesýler ótkizý, sondaı-aq Qazaqstan men Qytaıdyń isker toptar ókilderimen júzdesý jáne birqatar eki jaqty qujattarǵa birlese qol qoıý josparlanyp otyr.
