1999 jyly Sh. Ýálıhanov atyndaǵy Kókshetaý memlekettik ýnıversıtetin Informatıka jáne ET mamandyǵy boıynsha támamdaǵan. 2015 jyly — Boston ýnıversıtetiniń (AQSH) magıstratýrasyn kıberqaýipsizdikke mamandandyrylǵan aqparattyq júıeler mamandyǵy boıynsha bitirgen, «Bolashaq» baǵdarlamasynyń stıpendıaty. Informatıka, baqylaý jáne basqarý baǵyty boıynsha PhD doktory.

Eńbek jolyn 1999 jyly bastaǵan.

1999 jyldan 2003 jylǵa deıin Qazaqstandaǵy BUU Damý baǵdarlamasynda jumys istegen. 2003 jyldan bastap «Ulttyq aqparattyq tehnologıalar» AQ-da eńbek etken. 2006–2009 jyldar aralyǵynda Prezıdent Ákimshiliginde bas sarapshy, keńesshi, aqparattandyrý sektorynyń meńgerýshisi laýazymdary boıynsha jumys istegen.

«Elektrondy úkimetti» qalyptastyrý jáne damytý baǵdarlamalaryn, «Sıfrlyq Qazaqstan» memlekettik baǵdarlamasyn ázirleýge qatysqan.

2009 jylǵy tamyz aıynan bastap qazirgi tańǵa deıin QR Prezıdenti Ákimshiliginiń Aqparattandyrý jáne aqparattyq resýrstardy qorǵaý bólimi meńgerýshisiniń orynbasary qyzmetin atqarǵan.

«Eren eńbegi úshin» memlekettik nagradasymen, mereıtoılyq medaldarmen marapattalǵan.