QR densaýlyq saqtaý mınıstri Eljan Birtanov Almatyǵa sapary barysynda menıngokok ınfeksıasynan qaıtys bolǵandardyń týystarymen kezdespeı, qaıtyp ketken.

3 maýsymda juqpaly dertten kóz jumǵan 27 jastaǵy Oljas Súleımenovtiń aǵasy Tengrinews.kz portalynyń tilshisine bul aqparatty rastady. Qaıǵy jutyp otyrǵan Erbolat Súleımenov eger mınıstrmen kezdeskende, bar shyndyqty aıtar edim deıdi. Onyń aıtýynsha, Oljas Súleımenovtiń óliminen keıin ǵana dárigerler qyzýy kóterilip kelgen naýqastardy qabyldaı bastaǵan. Ol ýaqytqa deıin qabyldamaǵan kórinedi.

5 jasar uly men 19 jastaǵy kelininen aıyrylǵan Aıda Ahmetova mınıstrmen kezdesý úshin arnaıy Astanaǵa barǵan. Alaıda oıy júzege aspaıdy. Aıda Ahmetova menıngıt juqpaly dertiniń emi baryna senimdi. Sol sebepti osy máseleni sońyna deıin jetkizemin dep otyr.

Budan buryn densaýlyq saqtaý mınıstri Eljan Birtanov menıngıtten kóz jumǵandardyń jaqyndaryna kóńil aıtyp, Almatyǵa sapary barysynda olarǵa jeke kirip shyǵý týraly jospary baryn málimdegen.