Elbasy saparynyń sapynda Qytaıǵa barǵan Qamshy.kz aqparat agenttiginiń jetekshisi Bilál Qýanyshtyń aıtýynsha, QR prezıdenti Nursultan Nazarbaev pen QHR tóraǵasy Shı jın pıń birlesken málimdemege qol qoıǵan.
Buǵan qosa QR qarjy mınıstri Baqyt Sultanov pen Qytaı ókili Van Sáotao, QR ınvestısıalar jáne damý mınıstri Jeńis Qasymbek jáne Qytaı ókili He Lıfen arasynda jeńildikti nesıe berý týraly negizdemelik kelisimine;
Qazaqstan ınvestısıalar jáne damý mınıstrligi men Qytaı damý jáne reforamalaý jónindegi memlekettik komıteti arasynda birlesken jobalar tizbesin bekitý týraly Memorandýmǵa;
QR qarjy mınıstri Baqyt Sultanov pen Qytaı ókili Nı Iýefen, QR syrtqy ister mınıstri Qaırat Ábdirahmanov jáne Chjuń Shan arasynda Óndiristik qýattar men ınvestısıalar salasyndaǵy yntymaqtastyq josparyn birlesip ázirleý týraly Memorandýmǵa;
Iadrolyq materıaldardy, radıoaktıvti qaldyqtardy jáne radıasıalyq-qaýipti zattardy zańsyz ótkizýdi bolǵyzbaý jónindegi kelisimge;
Elektrondy saýda salasyndaǵy yntymaqtastyq týraly Memorandýmǵa;
QR qarjy mınıstri Baqyt Sultanov pen Lú Kýn jáne QR aýyl sharýashylyǵy mınıstri Ómirzaq Shókeev pen Nı Iýefen arasynda Qazaqstan Qarjy mınıstrligi men Qytaı Qarjy mınıstrligi arasyndaǵy ózara túsinistik pen yntymaqtastyq týraly Memorandýmǵa;
Qazaqstan Aýyl sharýashylyǵy mınıstrligi men Qytaı Bas keden basqarmasy arasyndaǵy Qytaıǵa eksporttalatyn sıyr etine karantın men veterınarlyq talaptar týraly Hattamaǵa, Qytaıǵa eksporttalatyn jońyshqa pishinine fıtosanıtarlyq talaptar týraly Hattamaǵa;
barlyǵy 9 qujatqa qol qoıyldy.
6 maýsymda resmı saparmen Beıjińge barǵan Nursultan Nazarbaevty búgin Qytaı bıligi Halyq jınalysy úıiniń aldynda saltanatty túrde qabyldady. Sap túzegen áskerıler Qazaqstannyń Memlekettik ánuranyn orkestrmen oryndap, Nursultan Nazarbaevqa zor qurmet kórsetti.
Shı jın pıń Elbasyna alǵys bildire otyryp, jarqyn bolashaq maqsatynda Qazaqstanmen birge júrýge daıyn ekenin málimdedi. Óz kezeginde Nursultan Nazarbaev ózin qarsy alǵan Qytaı tóraǵasyna alǵys bildirip, quttyqtaý sózin jetkizdi.
Bul – eki el basshysynyń 18-shi ret júzdesýi.
