Qyrǵyzstannyń Ystyq kól oblystyq kóshpeli sotynyń sheshimimen "Álem mıssısi" Sánıa Shákirova qaza tapqan jol apatyna kináli 31 jastaǵy Ch. K. eki aıǵa qamaýǵa alyndy. Bul týraly Sputnik Qazaqstan habarlady.
"Kóshpeli otyrys 7 maýsymda Bishkek travmatologıa jáne ortopedıa ǵylymı-zertteý ortalyǵynyń № 4 travmatologıa bóliminde ótti. Otyrysta Ch. K.-ny tutqyndap, eki aıǵa tergeý abaqtysyna qamaýǵa sheshim qabyldandy, alaıda dárigerler ázirge olaı jasaýǵa tyıym saldy. Qazirgi tańda tergelýshige kúzet qoıyldy", — dep túsindirdi mılısıadaǵylar.
Ystyq kól oblystyq İİB baspasóz qyzmetiniń málimetinshe, tergelýshige 7 maýsym kúni buǵanasyna ota jasalýy tıis bolǵan, sol úshin ony tergeý abaqtysyna áketýge tyıym salynǵan. Otadan keıin ol taǵy birneshe kún dárigerlerdiń baqylaýynda bolady. Eger jaǵdaıy jaqsarsa, quqyq qorǵaýshylarǵa alyp ketýge ruqsat beriledi.
Sánıa Shákirova qaza tapqan jol apaty 3 maýsymǵa qaraǵan túni Chok-Tal aýylynda boldy. Kólikti mas kúıinde júrgizgen 31 jastaǵy Ch. K. rólge ıe bola almaı, jergilikti zırattyń qorshaýyna soǵylǵan.
