SHYU samıtinde Jibek joly ǵylym akademıasyn qurý jóninde qujatqa qoıyldy

/uploads/thumbnail/20180610161555448_small.jpg

Qytaıda SHYU samıtinde Jibek joly halyqaralyq ǵylym akademıasyn qurý jónindegi qujatqa qol qoıyldy dep habarlaıdy Qamshy.kz aqparat agenttigi. 

SHYU elderiniń mádenı, gýmanıtarlyq jáne ǵylymı yntymaqtastyǵy aıasynda Nazarbaev Pekınde ótken jyly qozǵalǵan Halyqaralyq Jibek jolynyń Halyqaralyq ǵylym akademıasyn qurý jónindegi bastamasyn júzege asyrýǵa basa nazar aýdardy.

«Búgin 30-ǵa jýyq elderdiń ǵylymı ınstıtýttarynyń ókilderdi atalmysh ǵylym akademıasyn qurý jónindegi qujatqa qol qoıdy. Sonymen qatar, ǵalymdar «bir beldeý, bir jol» jobasyn ǵylymı-saraptamalyq turǵydan qoldaýǵa daıyn», - dedi Elbasy SHYU-ǵa múshe memleketter basshylarynyń keńeıtilgen otyrysynda.

Nursultan Nazarbaev Qazaqstan Respýblıkasynyń konfesıaaralyq kelisim salasyndaǵy mańyzdy tájirıbesi men túrli mádenıet pen órkenıetter dıalogyn damytýǵa qosqan úlesin ataı otyryp, samıtke qatysýshylardy bıyl Astanada 10-11 qazanda «Din lıderleri qaýipsiz álem úshin!» atty uranmen ótetin VI álemdik jáne dástúrli din lıderleriniń sezine shaqyrdy.

Sonymen qatar, Nazarbaev jıyn barysynda Qazaqstan jahandyq jáne óńirlik turaqtylyqty qamtamasyz etý úshin únemi kúsh jumsap jatqanyn atap ótti.

«Qazaqstan Aýǵanstannyń ekonomıkalyq turǵydan turaqty jáne qaýipsiz damýyn qoldaıdy. Osyǵan baılanysty biz kóptegen jyldar boıy Kabýlǵa qarjylaı kómek kórsetip kelemiz», - dedi Memleket basshysy.

Jıyn barysynda Sırıadaǵy daǵdarysty retteý jónindegi Astanadaǵy kelissózder prosesi osy elde beıbitshilikke qol jetkizýdiń tıimdi tetigi ekeni aıtyldy.

«Qazaqstan Koreıa túbeginiń ıadrolyq qarýsyzdanýyn tek qana  beıbit jolmen júzege asyrýdy qoldaıdy. Iran ıadrolyq baǵdarlamasy boıynsha kelisim jasasýǵa turaqty túrde qoldaý kórsetip otyramyz. Biz birlesken keshendi is-qımyl josparyn qoldaımyz jáne odan ári iske asyrý jolynda jumys jasaımyz», - dedi N.Nazarbaev.

Memleket basshysy SHYU tóraǵasy Shı jın pıń-ge SHYU-daǵy tabysty basshylyǵy úshin alǵys aıtty jáne Qyrǵyzstanǵa osy laýazymnyń jemisti bolýyna tilektestik bildirdi.

«Uıymnyń tabysy negizinen kelisilgen is-áreketterimizge, álemdik jáne aımaqtyq kún tártibindegi ózekti máselelerge kózqarastarymyzǵa baılanysty. Osy baılanys arqyly biz óz zamanymyzda týyndaǵan kez kelgen qaýip qaterge der kezinde jaýap bere alamyz dep senemin», - dedi Qazaqstan Prezıdenti.

Qatysty Maqalalar