Astanada qazaqstandyq aktrısa jáne model Ásemgúl Ibraeva esirtki saqtaǵany úshin sottaldy

İs materıaldarynyń derekterine súıensek, aǵymdaǵy jyldyń naýryzynda Ibraeva Astanadan Almatyǵa ushpaq bolady. Alaıda rentgendik televızıalyq qurylǵy arqyly tekserý barysynda  sómkesinen 4,247 gram salmaq tartatyn qaqpaǵy folgamen oralǵan áınek quty tabyldy.

Aıypty kinásin tolyq moıyndaǵan. Sotta aktrısa qutydaǵy esirtki zatty Astanadaǵy Ortalyq saıabaqtan tapqanyn jáne ózine paıdalaný úshin alǵanyn aıtty. Al kelesi kúni Almatyǵa kastıngke ushý kerek bolǵan. Esirtki zatty da paıdalaný úshin sómkesine salyp alǵan.

Sonymen qatar jazasyn jeńildetýdi surap, kinásiniń ótemi retinde qoǵamdyq jumystarymen aınalysýǵa daıyn ekenin jetkizdi.

Ibraevany tyńdaǵan sot aktrısaǵa qatysty QR QK 296-baby 2 bólimi (Taýar ótkizý maqsatynsyz esirtki quraldaryn, psıhotroptyq zattardy, olardyń analogtaryn jáne perekýrsorlardy zańsyz paıdalaný) boıynsha aıypty dep tanyp, 100 saǵatqa qoǵamdyq jumyspen aınalysý jazasyn bekitti.

Ásemgúl Ibraeva karerasyn Qftaıdaǵy  Miss Tourism Queen Asia-2013 sulýlyq baıqaýynan bastady. Birneshe baıqaýlarǵa qatysqan model 2017 jyly «Kıberqaýipsizdik» serıalyna tústi.