Jeksenbide Vetnamda myńdaǵan adam qytaılyqtarǵa jerlerin jalǵa berýge qarsy bolyp, ereýilge shyqty. Sonymen qatar eldegi ınternettiń qatań baqylaýǵa alynýyna qarsy shyqty.

Jaqynda Vetnam bıligi arnaıy ekonomıkalyq zona qurý maqsatynda sheteldikterge jerlerin 99 jylǵa jalǵa berýdi qarastyra bastady. Bul qoǵamdyq talqyǵa iligip, qarsy sherýlerge apardy. Myńdaǵan adam bul sheshimge qarsy bolyp, ereýilge shyqty. Barlyq sherý No China uranymen ótti.

Vetanamda jyl saıyn opozısıalyq belsendiler men jýrnalıserdi, blogerlerdi tutqyndaıdy. Komýnıstik partıanyń bylyǵyn áshkerelegen ınternet-resýrstardy buǵatttaıdy. Bul ereýilge shyǵýdyń ekinshi sebebi bolyp otyr.

Nátıjesinde Vetnam bıligi jalǵa berýdi «shamaly keıinge qaldyrdy» jáne jerdi jalǵa berýdiń ýaqytyn azaıtatyn boldy.

Qarapaıym vetnamdyqtar qytaılyqtardy jaqtyrmaıdy, ashyqtan-ashyq kelemejdeıdi, sonymen qatar 4000 jyldyq mádenıet pen qundylyqtardan aıyrylyp qalýdyń qorqynyshy da bar. Buryn ótken ereýilder qytaı-vetanam qarym-qatynasyna áser etken bolatyn. Arasynda ekologıalyq apat ta bar. Sondyqtan mıtıń máselesine kelgende Vetnam bıligi baıqap áreket etedi.