Kım Chen Yn men Donald Tramp seısenbi kúni tańerteń Sıngapýrda KHDR men AQSH-tyń alǵashqy samıtinde kezdesti, dep dep habarlaıdy Qamshy.kz aqparat agenttigi. 

Kópten kútken kezdesý Sıngapýrdan kópir arqyly bólingen Sentos kýrorttyq aralyndaǵy «Kapela» qonaq úıinde ótti.

Kezdesýdiń basynda eki el basshylary kamera aldynda kúlimdep qol alysty.

«Bul men úshin qurmet. Bizdiń qarym-qatynasymyz tamasha. Meniń eshqandaı kúmánim joq», - dedi Tramp. Sonymen qatar prezıdent kelissózderdiń de sátti bolatynyna senim bildirdi.

Óz tarapynan, Kım Chen Yn Phenán men Vashıngton arasyndaǵy qarym-qatynas retke keletinine úmitti ekenin aıtty.

«Biz bul jerge aıaqqa tusaý bolǵan burynǵy kedergilerdiń bárin artqa tastap keldik», - dedi Soltústik Koreıanyń basshysy.

«Bul ras», - dep rastady Tramp.

Kezdesý protokolda josparlanǵandaı 45 mınýtqa sozyldy. AQSH Prezıdenti kelissózderiń sátti ótkenin, aradaǵy úlken kedergilerdiń retke kelgenin aıtty.

Jýrnalıser úsh márte joldaǵan ıadrolyq qarýdan bas tartý týraly saýalǵa Kım Chen Yn jaýap  bergen joq.