Qaskeleńdegi ınfeksıalyq aýrýhana shildeniń aıaǵyna deıin kúrdeli jóndeý jumystarynan ótýi tıis. Bul týraly QR densaýlyq saqtaý mınıstri Eljan Birtanov úkimet saǵaty barysynda aıtty.

Almaty oblysynyń ákimdigi aýrýhanany jóndeý jumystaryna qarjy bólý týraly sheshim qabyldaǵan. Birtanov ákimdiktiń bul sheshimin quptaǵanymen, aýrýhanaǵa qatysty narazylyǵy baryn bildirdi. 

«Bizdiń qolymyzda Qoǵamdyq densaýlyq qorǵaý Komıtetiniń anyqtamasy bar. Onda obektiniń sanıtarlyq normalarǵa saı kelmeıtini jaıly jazylǵan. Ákimdikke buıryq berildi, shildeniń sońyna deıin qalpyna keltirý kerek. Qaıta tekserý júredi, eger eskertýler oryndalsa, aýrýhana óz jumysyn jalǵastyra alady. Alaıda ol memlekettik normatıvke saı kelmeıdi. Sol sebepti biz aýdandyq aýrýhanamen biriktirýdi usynamyz. Jeke aýrýhana retinde emes, qurylymdyq bólimshe retinde jumys isteıdi. Bul qyzmet kórsetý sapasynyń artýyna septigin tıgizedi», - dedi Birtanov úkimet saǵatynda.

Aıta keteıik, densaýlyq saqtaý mınıstri Eljan Birtanov  maýsymda tańǵy jýyq 19 jastaǵy boıjetken kóz jumǵan Qaskeleńdegi ınfeksıalyq aýrýhanaǵa bardy. Keıin aýrýhanany jabý týraly buıryq berdi.