NASA mamandarynyń esebi boıynsha, Reseıdiń Chelábınsk qalasyna túsip jarylǵan meteorıttiń qýattylyǵy 300-den 500 kılotonnaǵa deıin jetedi eken. Iaǵnı, Hırosımaǵa túsken atom bombasynan 20 esege artyq. Bul jaıynda Lenta.ru habarlaıdy.
Amerıkalyq ǵalymdardyń aıtýynsha, meteorıttiń salmaǵy shamamen 7 myń tonnany quraıdy. Atmosfera qabatyna ol saǵatyna 64 myń shaqyrym jyldamdyqpen engen jáne 19-24 shaqyrym bıiktikte jarylǵan. Alaıda, reseılik ǵalymdar bul pikirmen kelispeıdi. Olardyń aıtýynsha, meteorıt saǵatyna 54 myń shaqyrym jyldamdyqpen ushyp ótken. Al, jarylys 30-50 shaqyrym bıiktikte oryn alǵan kórinedi.
Esterińizge sala ketsek,15 aqpan kúni Reseıdiń Chelábınsk qalasynyń mańyna aspan denesiniń biri qulaǵan bolatyn . Kóz jumǵandar joq, alaıda, dene jaraqattaryn alǵan adamdar myńnan asyp jyǵylady. Aldyn ala berilgen málimet boıynsha, keltirilgen shyǵyn quny 400 mıllıon rúbldi quraıdy.
www.baq.kz
