Qazaqstan prezıdenti Nursultan Nazarbaev komersıalyq emes uıymdardyń qyzmetin retteý jónindegi keıbir zań aktilerine ózgerister men tolyqtyrýlar engizý jónindegi zań jobasyna qol qoıdy. Prezıdenttiń resmı saıtynda jarıalanǵan aqparatqa qaraǵanda, zań memlekettik áleýmettik tapsyrystardy, granttar men syıaqylardy berý tetikterin jetildirmek.

Bıyl qańtar aıynyń sońynda parlament májilisinde sol kezdegi din isteri jáne azamatttyq qoǵam mınıstri Nurlan Ermekbaev úkimettik emes uıymdar (ÚEU) týraly zań jobasyn tanystyryp, zańnyń komersıalyq emes uıymdardyń jumysyn retteýde "mańyzdy" ekenin aıtqan. Ol zańǵa áleýmettik jobanyń qanshalyqty tıimdi oryndalǵanyn baǵalaý krıterııleri engizilgenin aıtqan.

Resmı málimet boıynsha, Qazaqstanda 50 myńǵa jýyq komersıalyq emes uıym, 19 úkimettik emes uıym tirkelgen. Byltyr Qazaqstandaǵy úkimettik emes uıymdarǵa 2,7 mıllıard teńge qarjy bólingen.