Jambyl oblysynyń densaýlyq saqtaý basqarmasy Shý mańynda poıyz apatynan qaza tapqan jasóspirim men zardap shekkenderdiń esimderin jarıalady, dep habarlaıdy Qamshy.kz aqparat agenttigi.
"Aldyn ala málimet boıynsha, 2006 jyly týǵan jasóspirim qaza tapty, 14 jolaýshy dáriger kómegine júgindi. Taǵy bir zardap shekken adam Shý qalalyq aýrýhanasynyń travmatologıa bólimine jetkizildi, jaǵdaıy birqalypty. 13 adamǵa medısınalyq kómek kórsetilgen soń úılerine qaıtaryldy", - delingen habarlamada.
Basqarmanyń málimetinshe, 2006 jyly dúnıege kelgen Shý qalasynyń turǵyny Malınev Grıgorıı Aleksandrovıch kóz jumdy.
Zardap shekkenderdiń tizimi:
Islamgalı Aqerke Baqytqyzy (1994jylǵy, Balqash)
Ómirjanova Áıgerim Qurmanǵazyqyzy (1992, Balqash)
Daýtov Álisher Kenjebolatuly (2006, Astana)
Baıjanov Albı Mahambetıaruly (1970, Astana)
Áýbákirov Dıdar Ahatuly (1980, Taldyqorǵan)
Talǵat Kámshat (1987, Esik)
Kárimova Áıgúl (1977, Astana)
Seksenbaev Ýálıhan Moldaǵululy (1978, Taraz)
Voronsova Alına Iýrevna (1982, Shahtınsk)
Voronsova Eva Valentınovna (2013, Shahtınsk)
Sevdeeva Natalá Dmıtrıevna (1975, Shahtınsk)
Sevdeeva Sofá Dmıtrıevna (2008, Shahtınsk)
Bozlaqov Almat Jomartuly (1988, Almaty)
Samat Sultanáli (2017, Esik)
"Qazaqstan Temir joly" AQ baspasóz qyzmetiniń aqparatyna súıensek, 17 maýsymda 400-den asa jolaýshy Almatyǵa jetkizilip, olarǵa Almaty-1 vokzalynda medısınalyq kómek kórsetilgen.
Esterińizge sala keteıik, osyǵan deıin 17 maýsymda Shý stansıasynda oryn alǵan poıyz apatyna qatysty arnaıy komısıa qurylǵanyn bolatyn.
