Mańǵystaý oblysynda er adam kámelet jasqa tolmaǵan jasóspirimdi úılený úshin alyp qashqan. Bul jaıynda Tumba.kz jazady.

Bul oqıǵa aǵymdaǵy jyldyń sáýiriniń sońynda bolǵan. Alaıda bul jaǵdaı quqyq qorǵaý organdaryna qazir belgili bolyp otyr. 21 jastaǵy Shetpe aýylynyń turǵyny jeltoqsanda 16-ǵa tolatyn  aýyldasyn alyp qashqan. Anyqtalǵandaı, er adam jas qyzben jynystyq qatynasta bolǵan.

Er adamǵa qandaı shara qoldanylatyny áli belgisiz. Zańgerlerdiń aıtýynsha, elimizde kámelet jasqa tolmaǵan jasóspirimmen jynystyq qatynasqa túsý qylmys bolyp sanalady.

Zań boıynsha, 16 jasqa tolmaǵandarmen zańdy nekege turýǵa ruqsat joq.  Al 16 jastaǵy boıjetken zańdy nekege keıbir jaǵdaıda ǵana turady, mysaly, qyzdyń aıaǵy aýyr bolǵanda.  

QR Qylmystyq Kodeksiniń 122 babyna sáıkes, 16 jasqa tolmaǵan jasóspirimmen jynystyq qatynasqa túskender zań boıynsha úsh jylǵa bas bostandyǵynan aıyrylady nemese alty aıǵa qamalady nemese bes jylǵa sottalady.