Kezdesý barysynda Qaırat Mámı Nursultan Nazarbaevqa konstıtýsıalyq reformanyń júzege asyrylý barysy, sondaı-aq Konstıtýsıalyq Keńes qyzmetiniń nátıjeleri men aldaǵy kezeńge arnalǵan jospary jóninde baıandady, dep habarlaıdy Qamshy.kz aqparat agenttigi Aqordaǵy silteme jasap.
Qazaqstan Prezıdenti Konstıtýsıalyq Keńestiń Ata zań ústemdigin qamtamasyz etetin memlekettik organ ekenine toqtalyp, onyń áleýetin odan ári arttyra túsý qajettigine nazar aýdardy.
– Parlamenttiń, elimizdegi memlekettik organdardyń qabyldaǵan búkil zańdary men normatıvtik quqyqtyq aktileri Konstıtýsıa erejelerine jáne normalaryna tolyq sáıkes kelýge tıis, – dedi Nursultan Nazarbaev.
Sonymen qatar, Konstıtýsıalyq Keńes tóraǵasy Memleket basshysyna Qazaqstan Respýblıkasynyń Konstıtýsıa kúnin merekeleýge daıyndyq barysy jóninde málimdedi.
