Telegram messendjeriniń negizin qalaýshy Pavel Dýrov Qazaqstan jýrnalıser odaǵy syılyǵynyń laýreaty atandy, dep habarlaıdy Qamshy.kz aqparat agenttigi. 

Dýrovtyń senzýra men memlekettiń adamdardyń erkin hat almasýyna aralasý úrdisine qarsy pozısıasy odaq tarapynan qoldaýǵa ıe bolǵan.

"Internet-joba" nomınasıasy boıynsha "VKontakte" áleýmettik jelisi men "Telegram"-nyń negizin qalaýshy Pavel Dýrov marapattaldy", - dep jazylǵan Qazaqstan Jýrnalıser Odaǵynyń saıtynda.

Pavel Valerevıch Dýrov  - orys kásipkeri, programmıst, mıllıarder, "Vkontakte" áleýmettik jelisin jasaýshylardyń biri. Osy jeli arqyly TMD elderinde tanymaldylyqqa ıe. 2014 jyly "Vkontakte" jelisiniń bas dırektor laýyzymynan túsip, "Telegram" messendjerin jasaýdy qolǵa alady. Atalmysh jeliniń shıfrlaý kiltterin fedaraldyq qaýipsizdik qyzmetine berýden bas tartqan soń Roskomnadzor mekemesi Reseıde Telegram-dy buǵattaý quqyǵyna ıe bolǵan. Pavel Dýrov FSB-niń bul talaby Reseı Konstıtýsıasynyń "ár azamattyń jazǵan hattaryn qupıa ustaýyna quqyǵy bar" degen erejesine qaıshy keletinin aıtady.