Qazaqstan polısıasynyń 26 jyldyǵyna baılanysty aýdan ákimi Jamantaı Beısenbaev aýdandyq ishki ister basqarmasyna baryp, polısıa qyzmetkerlerin kásibı merekelerimen arnaıy quttyqtady.

"İshki ister organdary - memlekettik bıliktiń qoǵamda quqyq tártibin, azamattardyń qaýipsizdigin qamtamasyz etetin mańyzdy qurylym. Halyq saqshylarynyń kásibı qyzmeti zor jaýapkershiligimen, táýekelge bel býýmen erekeshelenedi. Elimiz derbes memleket bolyp, táýelsizdigin jarıalaǵan sátten bastap onyń tynyshtyǵynyń saqtalýynda Sizderdiń eńbekterińiz zor. Zań bekitilgen kún, ıaǵnı 23-maýsym jyl saıyn Qazaqstan polısıasy kúni retinde atalyp ótilýde. Endeshe, rızashylyq pen qurmettiń nyshany retinde Maqtaral aýdandyq ishki ister basqarmasynyń ujymyn Qazaqstan polısıasy kúnimen shyn júrekten quttyqtaımyn!" - dedi Jamantaı Qanaıuly.

Polısıa kúni merekesinde qyzmettik boryshyn óteý kezinde qaza bolǵan İshki ister organdary qyzmetkerlerine arnalǵan Monýmentke gúl shoqtaryn qoıý rásimi ótti. Qaza bolǵandarǵa 1 mınýt únsizdik jarıalanyp, olardyń erlikteri eske alyndy. Sondaı-aq, antyna adal bolyp, ózine júktelgen mindetti uqyptylyqpen atqaryp júrgen polısıa qyzmetkerleri marapattaldy.

Aıta keteıik, sońǵy 26 jyldyń ishinde Qazaqstan Respýblıkasynda ishki ister organdarynyń 850 qyzmetkeri mindetterin óteý kezinde, atap aıtqanda qylmyskerdi ustaý kezinde qaza tapqan. Sonymen qatar, 2320 polısıa qyzmetkeri aýyr jaraqat alyp, basym bóligi múgedek bolǵan.