Memlekettik qyzmetkerler kúnine oraı Maqtaral aýdanynda memlekettik qyzmetkerler arasynda fýtboldan jarys ótti. Aýdan ákimdiginiń derbes bólimderi men qala, kent, aýyldyq okýrg ákimdikterinen jınalǵan 16 komanda jasyl alańda baq synasty.
Sporttyq is-sharanyń ashylý saltanatyna qatysyp, memlekettik qyzmetkerlerdi kásibı merekelerimen quttyqtaǵan aýdan basshysy J.Beısenbaev: "Qadirmendi áriptester! Elbasy N.Á. Nazarbaev "Ult jospary – 100 naqty qadam" strategıalyq qujatynda da elimizde kásibı memlekettik apparat qurý qajettigin atap ótken bolatyn. Óıtkeni, elimizdiń órkendeýi men damýy, memlekettik qyzmetshilerdiń otansúıgishtigine, patrıottyq sezimine jáne bilimi men biliktiligine tikeleı baılanysty. Memlekettik qymettiń mártebesi men bıik bedelin memlekettik qyzmetkerler kóterýi tıis. Mine, búgin Sizderdiń sportqa degen qyzyǵýshylyqtaryńyzdy arttyryp, Otanǵa degen patrıottyq sezimderińizdi nyǵaıtý úshin fýtboldan jarys ótkizýdemiz. Endeshe, qyzyqty ári tartysty oıyn ótkizýlerińizge senim arta otyryp, barlyq komandalarǵa sáttilik tileımin!" - dedi.
16 komanda 4 topqa bólinip, ár toptan úzdik shyqqan 2 komanda shırek fınalǵa joldama alyp otyrdy. Osylshaı shırek fınaldan úzdik shyqqan 4 komanda jartylaı fınalda tartysty oıyn kórsetip, fınalda memlekettik qyzmetkerlerden quralǵan komandalardyń arasynda eń úzdigi anyqtaldy.
Oıynnyń nátıjesi boıynsha İ oryndy jeńip alǵan Jetisaı qalasy ákimdigi men aýdandyq sáýlet, qala qurylysy jáne qurylys bóliminiń qyzmetkerlerinen quralǵan komanda aýdan ákiminiń júldesine ıe bolyp, baǵaly syılyqtarmen marapattaldy. Sondaı-aq, aýdandyq ishki saıasat bóliminiń komandasy İİ oryndy, Asyqata kenti ákimdigi men Yntymaq aýyldyq okrýgi ákimdiginen quralǵan komanda İİİ oryndy jeńip aldy.
