Astana mańyndaǵy Prıgorodnyı kentinde sýǵa batyp ketken tórt balanyń denesi tabyldy. Bul týraly QR İİM TJK resmı ókili Rýslan Imanqulov málimdedi. 

24 maýsymda Prıgorodnyı kentinde, Nura-Esil kanaly mańynda úsh bala joǵalyp ketti degen aqparat túsken. Oqıǵa ornyna dereý Ortalyq óńirlik aeromobıldi jedel qutqarý jasaǵynyń qyzmetkerleri attandy. 

Imanqulov málimdegendeı, alǵashynda úsh bala týraly aqparat túsken, keıin izdeý barysynda taǵy bir búldirshinniń sýǵa ketkeni anyqtaldy. 

"İzdeý jumystary búgin aıaqtaldy. Tańǵy saǵat 05:17-de Nura-Esil kanalynan 2007, 2006, 2007 jáne 2009 jylǵy balalardyń denesi tabylyp, sýdan shyǵaryldy. Balalar ruqsat etilmegen jerde shomylyp júrip, sýǵa ketken", — delingen habarlamada. 

TJ komıteti ata-analarǵa jaz mezgilinde balalarǵa abaı bolýdy, qaraýsyz qaldyrmaýdy taǵy bir márte eskertedi.