Búgin Memleket basshysynyń tapsyrmasy boıynsha QR Premer-Mınıstri Baqytjan Saǵyntaev Aqmola oblysyna jumys saparymen bardy, dep habarlaıdy Qamshy.kz aqparat agenttigi.
Úkimet basshysy sapar barysynda Elbasynyń «Qazaqstannyń úshinshi jańǵyrýy: jahandyq básekege qabilettilik» Joldaýy men «Bolashaqqa baǵdar: rýhanı jańǵyrý» baǵdarlamalyq maqalasyndaǵy mindetterdi iske asyrý jumystarymen tanysady.
Óńirge barǵan Baqytjan Saǵyntaev eń aldymen «Esil Agro» JSHS sút-taýar fermasy men egis alqaptaryn aralady. Munda ol aýyl sharýashylyǵy óndirisiniń tehnologıalyq erekshelikterimen jáne kásiporyndy odan ári damytý keleshegimen tanysty.
Baqytjan Saǵyntaev sút fermasyn aralaý kezinde kásiporynnyń óndiristik úderisterimen jáne daıyn ónimder kórmesimen tanysty. Úkimet basshysyna óndiristik qýattylyqty 2 esege deıin ulǵaıtý jáne saýyn tabynyn 2 400 basqa deıin jetkizý jospary týraly aqparat berildi.
Budan keıin Baqytjan Saǵyntaev «Esil Agro» JSHS egistigine baryp, onda Aqmola oblysynyń aýyl sharýashylyǵy basqarmasynyń basshysy Murat Balpannyń egin jaǵdaıy týraly baıandamasyn tyńdady.
Eske sala keteıik, Baqytjan Saǵyntaev Memleket basshysynyń tapsyrmasy boıynsha Qazaqstan óńirlerin jumys saparymen aralap júr. Buǵan deıin Atyraý, Qaraǵandy, Qostanaı, Qyzylorda, Mańǵystaý jáne Ońtústik Qazaqstan oblystaryna jumys saparymen baryp qaıtty.
