Eýro odaq basshylary Brússeldegi samıtte Reseıge qarsy sanksıalardy jarty jylǵa uzartý týraly sheshim qabyldady. Bul týraly RIA Novostı habarlaıdy.

Mundaı sheshim Reseı, Ýkraına, Mınsk kelisimderin talqylaý barysynda qabyldandy.

Sanksıany engizý.

Reseı men Batystyń arasy Ýkraınadaǵy jáne Qyrymdaǵy jaǵdaıǵa baılanysty ýshyǵa tústi. Máskeý bul jaǵdaılarǵa qatysy joq ekenin málimdegen. Alaıda Eýro Odaq pen AQSH  Reseıge qarsy sharalardy qoldanyp úlgerdi, oǵan Máskeý tarapy da jaýap qaıtardy.

Osy aptada Italıa premer-mınıstri Djýzeppe Konte antıreseılik sanksıalarǵa qatysty synı pikirin bildirdi. Onyń oıynsha, shekteý sharalaryn uzartý avtomatty túrde júrgizilmeýi tıis. Sonymen qatar sanksıanyń maqsat emes, zat ekenin de eske saldy.

Óz kezeginde, Slovakıa premeri Peter Pellegrını EO-nyń Reseıge qarsy sanksıalaryn maǵynasyz dep atady. Sebebi Máskeý men Brússel arasyndaǵy saıası jáne ekonomıkalyq qarym-qatynasqa syzat túsip, keı kompanıalar óz naryqtaryn joǵaltqan. Reseımen saýdalasý múmkindiginen aıyryldy. Onyń oıynsha, Reseıge qarsy sharalardyń paıdasynan kesiri kóp.