Ýkraındyq sýretshi Natalá Mkrchánnyń jeke kórmesinde alǵash ret Prezıdent Nursultan Nazarbaevtyń portreti qoıyldy. Týyndy Astananyń 20 jyldyǵyna arnaıy salynǵan. Bul týraly 24.kz habarlady.

Natalá búginde qyryqtan astam kartınanyń avtory. Jáne shyǵarmalarynyń basym bóligi shynaıy, janrlyq kartınalar men portretten turady. Shyǵarmashyl tulǵa óz jumystarynda maı jáne akrıldi qoldanady. Al sýretti tabıǵı zyǵyr materıalyna salady. Sýretshi Qazaqstan Prezıdenti Nursultan Nazarbaevtyń portretin salýdy burynnan josparlap júrgen. Nazarbaevtyń sıpattamasyn tolyqqandy jetkizý úshin qazaq eliniń kóshbasshysy jaıly kóptegen materıaldardy izdep, zerdelegen eken.      

"Kartınany bir aı ishinde salyp shyqtym. Týyndym Nursultan Ábishuly Nazarbaevtyń týǵan kúni men Astana qalasynyń 20 jyldyǵyna arnalady. Ýkraındyq retinde eki el arasyndaǵy qatynasty nyǵaıtý úshin óz úlesimdi qosqym keldi. Bolashaqta Qazaqstan jaıly birnene shyǵarmany salý oıymda bar. Jáne ony mindetti túrde kórmege qoıatyn bolamyn. Osy oraıdy ózara yntymaqtastyǵymyz arta bersin degim keledi", - dedi sýretshi, N.Nazarbaev portretiniń avtory Natalá Mkrchán.