Qazaqstan shetelden shaqyrýdy rásimdeý jáne vıza berý tártibin jeńildetedi. Bul týraly QR İİM habarlady. Qoldanystaǵy erejege engizilgen tıisti ózgerister 1 shildeden bastap kúshine enbek.

«Qazaqstanǵa keletin sheteldikterdiń shaqyrý qaǵazdaryn tapsyrý merzimi qysqartyldy. Qazaqstan Respýblıkasyna kelýge shaqyrý vızany alýshynyń boljamdy kelý kúninee keminde 5 jumys kúni buryn berilýi tıis. Buǵan deıin ol merzim 14 kún bolatyn», - degen İİM aqparatynan úzindi keltirilgen.

Mınıstrliktiń habarlaýynsha, shaqyrýda keletin adamnyń turatyn jeri men qozǵalys baǵyttary kórsetilgendikten, vıza alǵan sheteldik azamatqa kóshi-qon organdarynda tirkeýde turý qajet emes.

Qazirgi kezde Qazaqstanǵa ondaǵan memlekettiń azamattary vızasy kele alady. Eýropa Odaǵy elderi, Ekonomıkalyq yntymaqtastyq jáne damý uıymyne kiretin elderdiń, Birikken Arab ámirlikteri, Malaızıa, Monako men Sıngapýr azamattaryna Qazaqstanǵa 14 kúnge deıingi merzimge vızasyz kelýlerine bolady. AQSH azamattary Qazaqstan terıtorıasynda 30 kún vızasyz júrip-tura alady.