1 shilde kúni oblystyq perzentxanada mereke qarsańynda dúnıege kelgen sábıdi quttyqtady, dep xabarlaıdy Atyraý oblystyq Óńirlik komýnıkasıalar qyzmeti. 

Densaýlyq saqtaý qyzmetkerleriniń aıtýynsha 5ul jáne 1 qyz qalypty boı men salmaǵy boıynsha dúnıege kelgen, analarynyń jaǵdaıy jaqsy, barlyǵy da osy sharaǵa qatysa aldy. Otbasy múshelerin Atyraý oblystyq Qazaqstan halqy Assambleıasy tóraǵasynyń orynbasary Gúlmıra Shákirova quttyqtap, tilegin bildirdi.

«Bıylǵy jyly Nursultan Nazarbaev arnaıy mereke - Ulttyq Dombyra kúnin engizdi. Búgin biz osy mańyzdy kúndi atap ótkenimizge shyn qýanyshtymyz. Dombyra árdaıym Qazaqstannyń mýzykalyq mádenıetiniń sımvoly bolǵanyn atap ótkim keledi, ol bala kezden janymyzǵa jaqyn, onyń shegi árbir adamnyń júregine jetedi. Biz analarymyzǵa jáne olardyń balalaryna zor densaýlyq, qýanysh pen baqyt tileımiz. Olar bizdiń elimizdiń laıyqty azamattaryn ósirip, bizdiń dástúrlerimizdi, tilimiz ben rýhanı qundylyqtarymyzdy qadirlep, bilsin» - dep tiledi Gúlmıra Shákirova.

Mereke qarsańynda bosanǵan analarǵa saltanatty túrde gúl men syılyqtar berildi, al merekeniń basty belgisi - dombyra alǵash sábıi dúnıege kelgen Kenjeǵalıevterdiń otbasynyń berildi.

«Men búgin túnde saǵat 12.30-da ulymdy bosandym. Ózimdi jaqsy sezinemin. Balanyń atyn áli tańdamadyq, qazaq salt-dástúri boıynsha úlkender laıyqty esim tańdaıdy dep oılaımyn. Uıymdastyrýshylarǵa osyndaı jaqsy jáne kóńildi mereke úshin alǵys aıtamyn. Búgin elimiz úshin jáne otbasymyz úshin erekshe kún. Men óte qýanyshtymyn, bul oqıǵa meniń ulymnyń týylǵanyna erekshe jáne umytylmas oqıǵa bolady», - deıdi jas ana İńkár Jánibekova.

Aıta ketý kerek, 2018 jyldyń 13 maýsymynda Qazaqstan Respýblıkasynyń Prezıdenti N.Á.Nazarbaevtyń Ulttyq Dombyra kúni týraly jarlyǵy jarıalandy. Mereke qoǵamdy ulttyq mádenıet ıdeıasy boıynsha damytý maqsatynda qurylǵan jáne shilde aıynyń birinshi jeksenbisinde toılanatyn bolady.