Qazaqstan Prezıdenti Astana qalasynyń sol jaǵalaýynda ornalasqan 240 oryndyq jańa balabaqshany aralap kórdi. Bul bilim mekemesinde balalar shyǵarmashylyǵyn damytyp, olardyń demalysyn uıymdastyrý úshin mýzyka zaly men oıyn alańdary bar.
Budan buryn Memleket basshysy «Óńirlerdiń Astanaǵa tartýy» jobasy aıasynda Qyzylorda oblysy salǵan zymyran-ǵarysh tehnıkasy mýzeıiniń ashyq ekspozısıasyn aralaǵan bolatyn.
«Almaty balabaqshasy» balabaqshasy 12 toptan turady. Árbir toptyń Almaty qalasymen baılanysty taqyryptyq ataýlary bar. Balabaqsha ıntereriniń dızaıny Almatynyń belgili kóshelerimen jáne dańǵyldarymen tanysýǵa, sondaı-aq qala tarıhy jóninde maǵlumat alýǵa múmkindik beredi.
