Astana qalasynyń 20 jyldyǵyna oraı búgin Almatydaǵy Aratta «Múmkindikter ýaqyty» atty bos oryndar jármeńkesi uıymdastyryldy.

Atalmysh sharany Almaty qalasynyń ákimdigimen birlese otyryp Almaty qalalyq jumyspen qamtý jáne áleýmettik baǵdarlamalar basqarmasy, Almaty qalasynyń Halyqty jumyspen qamtý ortalyǵy uıymdastyrdy.

Bos oryndar jármeńkesiniń maqsat – múddeli jumys berýshiler men jumys izdeýshilerdi jumysqa ornalastyrý, halyqty jumyspen qamtý máseleleri boıynsha azamattarǵa keńester berý, múmkindikterdi jarıalaý – jumysqa ornalastyrý, qyzmetkerler tańdaý, kásiptik baǵdarlaý men oqytý jáne jumyssyz azamattardy qoldaý máselelerine nazar aýdartý bolyp tabylady.

Almatyda ótken «Múmkindikter ýaqyty» atty bos oryndar jármeńkesine bir myńnan asa bos jumys oryndaryn usynatyn 150 jumys erýshi qatysty.

Sonymen qatar, búgingi sharada Astananyń mereıtoıynyń qarsańynda qala turǵyndary men qonaqtary tátti torttan dám tatyp, Astana kúnin toılaýdy bastap ketti.

Arbat alańynda qala turǵyndary men qonaqtarǵa merekege tartý retinde 20 metrlik tort pen 500 kg palaý tartý etilip, myńdaǵan adam dámnen aýyz tıdi.

Keń aýqymda ótken jármeńkede Astana men Almaty tarıhynan syr shertetin fotokórme uıymdastyryldy. Merekelik shara aıasynda uıymdastyrylǵan fotokórmede jármeńkege kelýshiler 9 otandyq sýretshiniń 30-ǵa jýyq týyndysyn tamashalady. Olardyń arasynda Astananyń 10 jyl burynǵy kórinisteri de oryn tapty.

Merekelik sharany tamashalaýǵa kelgen qonaqtar, sonymen qatar, konserttik baǵdarlamany tamashalady. Elimizdiń jas talanttary búgingi merekelik sharada óz ónerlerin kórsetip, Astanaǵa quttyqtaý tilekterin jetkizdi.