Búgin Astana kúni qarsańynda dástúrge aınalǵan partıa qataryna qabyldaý rásiminde «Nur Otan» partıasy Tóraǵasynyń Birinshi orynbasary Máýlen Áshimbaev osylaı dedi.

Onyń aıtýynsha, bul jumystar Elbasynyń tapsyrmasy boıynsha qolǵa alynǵan partıanyń kadrlyq áleýetin arttyrý maqsatynda júzege asyrylyp otyr.

– Biz bárimiz judyryqtaı jumylyp Elbasynyń senimdi tiregi jáne jańǵyrý prosesterine belsendi qatysatyn strategıalyq kúsh bolyp qalyptasýymyz kerek. Bul – partıamyzdyń qazirgi kezeńdegi basty mısıasy. Sol úshin sanǵa emes, sapaǵa basymdy beriledi. Ol jumys tıimdiligin arttyrýǵa jáne partıa Tóraǵasy tapsyrǵan mindetterdi tabysty oryndaýǵa da septigin tıgizetin mańyzdy qadam, – dedi Máýlen Áshimbaev.

Osyǵan oraı búgin kelesheginen mol úmit kúttiretin jas ǵalymdar, kásibin dóńgeletip otyrǵan isker azamattar, İT-tehnologıa men sıfrlandyrý isinde aıtarlyqtaı jetistikterge qol jetkizgen bilikti mamandar jáne óz salasynda bıik belesterdi baǵyndyrǵan basqa da qoǵam belsendileri partıa múshesi atandy.

Jańa nurotandyqtarǵa partıalyq bıletterin óz qolymen tapsyrǵan Máýlen Áshimbaev Saıası keńes otyrysynda Elbasy partıa qyzmetin jańǵyrtýǵa baǵyttalǵan ádis-tásilder men jańa jobalardy maquldap, olardy júzege asyrý úshin naqty tapsyrmalar bergenine nazar aýdardy. Sondaı-aq partıa qataryna jańadan qabyldanǵan azamattar aldaǵy ýaqytta sol bastamalardy júzege asyrýǵa eleýli úlken úles qosatynyna senim bildirdi.

Sonymen qatar «Nur Otan» partıasy Tóraǵasynyń Birinshi orynbasary barsha is-sharaǵa qatysýshylardy Astana kúnimen quttyqtap, bıyl bul merekeniń máni de, mańyzy da burynǵydan ózgeshe ekenin aıtty.

– Bıyl halqymyzdyń maqtanyshyna aınalǵan arman qalamyz Astananyń negizi qalanǵanyna 20 jyl tolyp otyr. Osy ýaqyt aralyǵynda elordamyz shaǵyn ǵana oblys ortalyǵynan búkil álem moıyndaǵan HHİ ǵasyrdyń ásem de sulý shaharyna aınaldy. Astana – ata-babalarymyzdyń aqıqatqa aınalǵan armandarynyń jarqyn kórinisi, táýelsizdik jyldarynda qol jetkizgen jetistikterimizdiń aıqyn sımvoly jáne Qazaq eliniń Máńgilik el bolyp qalyptasýynyń myzǵymas nyshany. Osy jetistikterimizdiń barlyǵy Elbasymyzdyń eren eńbegi men syndarly saıasatynyń jemisi. Elbasy Astanany salý arqyly Otanymyzdyń abyroıyn asqaqtatyp, elimizdi álemniń eń bedeldi memleketteriniń qataryna qosty, – dedi Máýlen Áshimbaev.