Astana kúni merekesi qarsańynda Atyraý oblysynda mádenıet úıi, dene shynyqtyrý-saýyqtyrý kesheni, balabaqsha, 13 sanat boıynsha kezekte turǵandarǵa páter sekildi áleýmettik nysandar paıdalanýǵa berildi, sonymen qatar Saraıshyq qalashyǵynyń ornyn saqtap qalý maqsatynda jasalǵan jaǵalaýdy bekitý jumystary aıaqtaldy.

 

Atyraýda Astananyń 20 jyldyǵyna arnalǵan saltanatty shara ótti. Merekelik baǵdarlamada oblys ákimi Nurlan Noǵaev: "Astana-birlik pen berekeniń, elimizdiń telegeı tabystarynyń sımvoly. 20 jyl ishinde Astana elimizdiń júregine aınaldy. Munyń bári memleket basshysynyń ıdeıalarynyń sátti júzege asqanynyń kórinisi. Búgingi Astana armandardy, shyǵarmashylyq josparlar men ınovasıalyq ıdeıalardy, batyl bastamalardy júzege asyrý alańy. Elordamyzdyń eńsesi bıik bola bersin, Qazaqstanymyz damyp, barlyq adam baqytqa kenelsin,-dep tilegin arnady.

 

Merekelik sharada QR Prezıdentiniń 20 maýsym 2018 jylǵy Jarlyǵymen Atyraý oblysynyń 33 turǵyny "Astanaǵa 20 jyl" merekelik medalimen marapattaldy. Olardyń arasynda eńbek ardagerleri, oblystyq ardagerler keńesiniń ókilderi, qoǵamdyq keńes músheleri, bilim berý, medısına, BAQ salalarynyń qyzmetkerleri bar.

 

6 shilde, Astanaǵa 20 jyl bolǵan mereıli kúni Mahambet aýdanyndaǵy Saraıshyq qalashyǵynda jaǵalaýdy bekitý jumystary aıaqtaldy. Saltanatty sharada oblys ákiminiń orynbasary Álibek Náýtıev oblys turǵyndaryn ataýly kúnmen quttyqtady.

 

-Saraıshyq-tarıhı oryn. Jibek joly boıynda ornalasqan bul kóne shahar endi týrısik ortalyqqa aınalady. 2015 jyly qalashyq ornyn Jaıyqtyń tasqyn sýynan saqtap qalý úshin qarajat bólindi. -dedi Álibek Náýtıev. - Qazaqstandyqtar úshin mańyzdy mereke-Astananyń 20 jyldyǵynda jumystyń aıaqtalǵany da jaqsylyqtyń nyshany. Memleket basshysy elimizdegi kıeli oryndarǵa árkez kóńil bólip keledi. Bolashaqta týrısik ortalyq salýdy josparlap otyrmyz. Aıta keteıik, eki jyl ishinde qurylysshylar bıiktigi 3,6 m, uzyndyǵy 1,5 m qorǵanys bógetin saldy. Bul Astana kúni merekesi qarsańynda 

aıaqtalǵan bir ǵana nysan emes, buǵan deıin Mahambet aýdanynyń Bereke aýylynda mádenıet úıi paıdalanýǵa berildi. Oblysta birneshe áleýmettik nysan tapsyryldy. Keńózek selolyq okrýginde DSK, dárigerlik ambýlatorıalyq bólimshe ashyldy. Jylyoı aýdanynda 580 oryndyq eki balabaqsha jumystaryn bastady. Atyraýda 320 oryndyq dene shynyqtyrý-saýyqtyrý kesheni salyndy. Astananyń 20 jyldyǵy qarsańynda atyraýlyq 195 otbasy baspanaly boldy. «Nurly jer» memlekettik baǵdarlamasy aıasynda Bereke yqshamaýdanynda 195 páterlik turǵyn úı tapsyryldy. Ol úıler memlekettik turǵyn úı qorynan páter alýǵa quqyly 13 sanat boıynsha kezekte turǵandarǵa berildi. 2018 jyly aımaqta 3892 páterlik 44 turǵyn úıdiń qurylysy bastaldy, 34 úı jyl aıaǵyna deıin beriledi. Oblys ortalyǵynda 39 turǵyn úı qurylysy júrip jatyr, qalǵandary aýdandarda. 

Aıta ketý kerek, bul táýelsizdik jyldaryndaǵy eń joǵary kórsetkish.

 

Astana kúninde Atyraý qalasynyń turǵyndary men qonaqtaryna merekelik baǵdarlama usynylady, onyń ishinde aýyl sharýashylyǵy ónimderiniń jármeńkesi, balalar shyǵarashylyǵy festıvali, strıtboldan sporttyq jarys,qazaqstandyq estrada juldyzdarynyń konserti, merekelik otshashý bar.