Batys Qazaqstan oblysynyń aýdandaryndaǵy aýdandyq sot júıesi zamanaýı sıfrlyq tehnıkalardy keńinen qoldanyp keledi. Sonyń biri - Jánibek aýdandyq soty.
Turǵyndardyń ıgiligi úshin halyq soty retinde 1937 jyly qurylyp, keıin Jánibek aýdandyq soty atalǵan sot júıesi búginde óz jumysyn minsiz atqaryp keledi. Búgingi kúni Jánibek aýdandyq sottyń sot májilis zaly sońǵy úlgidegi dybys-beıne jazý júıesimen jabdyqtaldy, onyń negizgi maqsaty - sot prosesteriniń ashyqtyǵyn kórsetý, halyqtyń sotqa degen senimin arttyrý. Qazir sot júıesinde zamanaýı tehnologıalardy keńinen qoldanyp, halyqtyń senimin arttyrý maqsatynda jumystar júrgizýde. Atap aıtqanda, «Sot kabıneti» elektrondy servısi jergilikti turǵyndardyń sot organdaryna senim artýyna yqpal etýde. Sot prosesterinde dybys-beınejazbalaryn qoldanýdyń ereksheligi, sot otyrysynyń hattamasyn ázirleý men iske qatysýshylarǵa kóshirmesin berý úshin daıyndaýǵa ýaqytty únemdeıdi. Dybys-beıne jazbany sot isine engizý sot prosesin neǵurlym ashyqtyqqa aparady. Sondyqtan, dybys-beınejazbalardy qoldaný qajet, sebebi, sot tóreligin júzege asyrý sapasyn jaqsartyp, qoljetimdiligin arttyrady, ıaǵnı sybaılas jemqorlyqty boldyratyn áreketterdi azaıtý men qatar sot prosesiniń ashyqtyǵyna yqpal etedi. 2016 jyly Jánibek aýdandyq sotpen 31 - qylmystyq is, 173 - azamattyq is, 296 - ákimshilik is dybys - beıne jazý júıesin qoldanýmen qaralsa, ıaǵnı dybys - beıne jazý júıesi 100 paıyz júzege asyrylýda.»Sot kabıneti» arqyly aryz berý úshin sotqa júgingen árbir azamat Halyqqa qyzmet kórsetý ortalyǵynda elektrondy sıfrly qoltańba alyp, sodan keıin «Sot kabıneti» júıesine tirkeledi. «Sot kabınetine tirkelgen adam elektrondyq qujattardy berý servısiniń paıdalanyshysy bolyp tabylady. Jeke tulǵanyń tólem kartochkasy arqyly bajdy tólep nemese tólem kujattarynyń skanerden ótkizip kóshirmesin berýge bolady. Búgingi tańda aýdandyq sotqa azamattyq ister, ákimshilik ister, shaǵymdar,apelásıalyq shaǵymdar jáne is qujattarymen tanysý jónindegi ótinishter «Sot kabıneti» arqyly kelip túsýde.
