Dúısenbide «Atakent» iskerlik yntymaqtastyq ortalyǵy aldynda alyp tıin ornatyldy. «Tıin» art nysanyn jasap shyǵarǵandar onyń qunyn da aıtyp berdi.

Funk kreatıvti agenttiginiń basshysy Maıra Izmaılovanń aıtýynsha, tıinniń quny 23 mıllıon teńgege shyqqan. Onyń 15 mıllıony memleket qarjysynan alynsa, 8 mıllıondy agenttiktiń ózi shyǵarypty.

Al barlyǵy 16 art-nysan bolǵan kórinedi. Báriniń baǵasy 78 mıllıon teńgeni qurady.

Músinniń jalpy bıiktigi 12 metr. Ony jasaý úshin 7 tonna metal, 3,5-4 tonna aǵash ketken. Sabannyń mólsheri de sondaı.

Negizinen tıin «Almaty – Jyly qala» jobasy aıasynda salynǵan. Avtory brıtandyq tanymal qoǵamdyq pablık-art sýretshi Aleks Rınsler. Joba bastamashylarynyń pikirinshe, almatylyq «Tıin» qalanyń jańa kórikti jerine aınalyp, turǵyndar men týrıser jınalatyn oryn bolady.