«Sıfrlyq Qazaqstan» baǵdarlamasynyń júzege asýy, kúndelikti ómirde elektrondy qyzmet alýdy keńinen nasıhattaý máseleleri tóńireginde BQO-nyń birqatar aýdandarynda semınar-keńester ótýde. Sonyń biri jýyrda Qaratóbe aýdanynda uıymdastyrylǵan edi. Halyqtyń sıfrlyq saýattylyǵyn arttyrý jáne memlekettik qyzmetter kórsetý týraly jıynda memlekettik qyzmetterdi elektrondy alýǵa kóshý týraly aıtyldy. Qaratóbe aýdany ákiminiń mindetin ýaqytsha atqarýshy Rashıt Imanǵalıev tóraǵalyq etken jıynǵa bólim basshylary, aýdandyq mekemeler qyzmetkerleri, aýyldyq okrýg ákimderi qatysty.
«Bilim berý salasyn sıfrlandyrý jáne «Sıfrlyq Qazaqstan» baǵdarlamasy aıasynda halyqtyń sıfrlyq saýattylyǵyn arttyrý týraly» taqyrybynda aýdandyq bilim berý bóliminiń basshysy Berikjan Ǵarapshıev baıandama jasady. Qazaqstan Respýblıkasynda bilim berýdi jáne ǵylymdy damytýdyń 2016-2019 jy ldarǵa arnalǵan memlekettik baǵdarlamasyn iske asyrý sheńberinde júzege aspaqshy jańa jobalar men jańa bastamalardyń aýdannyń bilim berý salasynda oryndalýyna toqtaldy. Jıyn barysynda «e-gov» elektrondyq úkimet portaly arqyly elektrondy qyzmet alý týraly «Azamattarǵa arnalǵan úkimet» ÚEM» HQKO aýdandyq fılıaly dırektorynyń orynbasary Altynaı Qazıýllına elektrondy úkimet – aqparattyq tehnologıalar kómegimen ishinara kelisýshilikti qamtamasyz etetin, memleket pen azamattar arasyndaǵy, sondaı aq, memlekettik organdardyń ózara árekettestiginiń biryńǵaı mehanızmi jóninde aıtyp berdi.
Elektrondyq úkimet portalynyń basty maqsaty azamattar men uıymdardyń memlekettik qyzmet kórsetýlerge jyldam ári sapaly qoljetimdiligin qamtamasyz etý, aqparattyq-kommýnıkasıalyq tehnologıalardy keńinen qoldaný jolymen memlekettik organdardyń jumys isteý tıimdiligin arttyrý. Elektorndyq úkimet portalyna SMS arqyly kirý – bir rettik paról arqyly, ESQ arqyly, logın/paról arqyly, sim-karta arqyly kirýge bolady,- deıdi Altynaı Qazıýllına.
«Qazposhta» AQ Batys Qazaqstan oblystyq fılıaly qarjy bóliminiń basshysy Gúlzat Nazarova komýnaldyq qyzmetterdiń aqysyn onlaın tóleý, onlaın saýda jáne www.post.kz saıty týraly, Eýrazıalyq bank AQ Qaratóbe aýdanyndaǵy ókili Ermek Bolatov Eýrazıalyq banktiń «Smart bank» mobıldi qosymshasynyń múmkindikteri týraly túsindirip berdi. «E-gov» elektron dyq úkimet portaly jáne «Dárigerge jazylý» mobıldik baǵdarlamasy arqyly dárigerge jazylýdy júzege asyrý jáne jeke elektrondyq kartalary týraly aýdandyq ortalyq aýrýhana mamany Asylhan Metenov túsindirdi. Jıyn barysynda qazirgi ýaqytta zaman talabyna aınalyp otyrǵan sıfrlandyrýdy júrgizý, halyqtyń sıfrlyq saýattylyǵyn arttyrý, memlekettik qyzmetterdi elektrondy túrde alý týraly keńinen qaraldy. Kún tártibinde qaralǵan máseleler boıynsha baıandamashylar aıtqandaı onlaın túrde tólemder júrgizý, qajetti qyzmetterdi, anyqtamalardy alýǵa úıde otyryp qol jetkize alatyndyǵy jóninde nasıhat jumystary júrý kerektigi qozǵaldy. Aıta keterligi, aýyldyq okrýg ákimi apparattarynyń janynan halyqqa «e-gov» elektrondyq úkimet portaly arqyly qyzmet alýda kómek kórsetý úshin ózine-ózi qyzmet kórsetý buryshtary qurylyp, jergilikti turǵyndarǵa qyzmet jasaýda.
