Eýropa men Azıa basshylary tájirıbe almasyp, radıo salasyn damytý boıynsha oı bólisý úshin Astanada bas qosty.

Bas qaladaǵy Qazmedıa ortalyǵynda «Azıa medıa dıalogy» atty halyqaralyq shara ótip jatyr. Sharada Orta Azıadaǵy radıonyń búgini men erteńi, medıa salasyndaǵy ortaq máseleler talqylanbaq. Aýdıtorıany zertteý, radıo formatyn qalyptastyrý, ozyq tájirıbelerdi eskerip, teleradıohabar taratý salasyn zamanǵa laıyq damytý máselelerin qaýzaý úshin 40 elden 150-ge jýyq sarapshy keldi. Bul týraly QR Aqparat jáne komýnıkasıa mınıstri Dáýren Abaev málim etti.

Túrkıanyń TRT radıosy shildeniń 9 kúni «QAZAQ RADIOLARYMEN» beıresmı kezdesý ótkizdi. Kórshiles eldegi radıo salasynyń mamandary Etnoaýyldy kórip, qazaqtyń salt-dástúrimen keńinen tanysty. Etnoaýyldaǵy «Báıge», «Teńge ilý», «Kókpar» syndy ulttyq oıyndarǵa qatysatyn salym attary men saıys attaryn kórip, bizdiń qundylyqqa degen qyzyǵýshylyǵymyzǵa tańdana qarap, Túrkıadaǵy ulttyq sportty qolǵa alyp, damytyp jatqanyna 8 jyl bolǵanyn aıtty.

Túrkıa radıolary basqarmasynyń basshysy Ahmet Akchakaıa: «Bizdi «QAZAQ RADIOLARYNDAǴY»  áleýmettik jelidegi jumysy qyzyqtyryp otyr. Internettiń radıo ımıjine berer paıdasyn kórip, bolashaqta osy salada mindetti túrde tájirıbe almasatynymyzdy aıtqymyz keledi. Al, bizdiń osy elge kelgen basty maqsatymyz – Túrkıa radıolary men «QAZAQ RADIOLARY» arasynda yntymaqtastyq ornatý»,- deıdi.

Aıta keteıik, mamyrda «QAZAQ RADIOLARY» seriktestiginiń basshysy Mádı Manatbekuly bastaǵan delegasıa Túrkıaǵa baryp, Malatıa qalasynda Túrkıa elderi radıo festıvaliniń qurmetti qonaǵy boldy. Sol jerde bastalǵan dostyq, yntamaqtastyq elordamyzda óz jalǵasyn taýyp otyr.