Kembrıdjde (Ulybrıtanıa) «Rýhanı jańǵyrý» baǵdarlamasyn iske asyrý jónindegi Ulttyq komısıa men Kembrıdj ýnıversıteti baspahanasy arasynda yntymaqtastyq jóninde memorýndamǵa qol qoıyldy.
Kelisim boıynsha ulybrıtanıalyq baspahana qazirgi zamanǵy qazaq ádebıetiniń aǵylshyn tilindegi antologıasyn aýdarý, basyp shyǵarý men taratý jumysyn qolǵa alatyn boldy.
Belgili bolǵandaı, qazirgi zamanǵy qazaq ádebıeti úlgisiniń jınaǵyn BUU-nyń alty tiline aýdarý jumysy «Jahandyq álemdegi qazirgi qazaqstandyq mádenıet» jobasy aıasynda júzege asyrylýda. Joba Qazaqstan Prezıdenti Nursultan Nazarbaevtyń «Rýhanı jańǵyrý» baǵdarlamasynyń mańyzdy bir bóligi bolyp tabylady. «Jahandyq álemdegi qazirgi qazaqstandyq mádenıet» jobasynyń maqsaty - Qazaqstan táýelsizdik alǵannan bergi bizdiń ádebıettiń, mýzyka jáne beıneleý óneriniń, horeografıa, kıno men teatrdyń jetistikterin álemge pash etý bolyp tabylady.
Qazaqstandyq taraptan memorandýmǵa «Rýhanı jańǵyrý» baǵdarlamasyn iske asyrý jónindegi Ulttyq komısıanyń hatshysy Aıda Balaeva qol qoıdy.
«Brıtandyq Keńes jaqtan qoldaýdyń bolýy, sonymen birge Sambridge University Press sekildi beldi uıymmen yntymaqtastyq pen onyń 500 jyldyq tarıhy, talassyz abyroıy bizdiń jobanyń sáttiligine negiz bolar degen senimdemiz. Bul aýdarma jumysynyń joǵary sapasyna oń áser etip, basylymnyń Ulybrıtanıada ǵana emes, jalpy aǵylshyn tildi álemge taralýyna múmkindik berer degen senimdemiz. Dál osyndaı aýdarma jumystaryn ıspan, fransýz, orys, qytaı jáne arab tilderine aýdaryp, antologıa retinde shyǵarý úshin kelssiózderdi júrgizip jatqanymyzdy atap ótkim keledi. Áleýetti seriktesterge talap ta joǵary. Aldymen tájirıbege, abyroı men baspahananyń múmkindikterine basymdyq beriledi», - dedi Aıda Balaeva memorandýmǵa qol qoıý rásiminde sóılegen sózinde.
Óz kezeginde Sambridge University Press uıymynyń reforma jáne bilim jónindegi dırektory Djeın Mann Qazaqstanmen mádenı joba baǵytyndaǵy yntymaqtasyqqa qýanatyndaryn jetkizdi.
«Qazaqstandyq avtorlardyń prozasy men poezıasyn aǵylshyn tildi álemniń oqyrmandaryna tanystyrý úshin barlyq kúsh-jigerimizdi salamyz. Sambridge University Press bul rette jumys júrgizý múmkindigine ıe bolyp otyrǵany úshin alǵysyn bildiredi», - deıdi ol.
