Qazir til úırenemin degen adamǵa múmkindik kóp. Qalada qaptaǵan kýrstar, ınternette túrli saıttar men vıdeolar bar. Ásirese, aǵylshyn tilin jetildirýge arnalǵan paıdaly ári tegin onlaın kýrstar men saıttar barshylyq. Sonyń birnesheýin nazarlaryńyzǵa usynýdy jón kórdim.

1. https://writeandimprove.com/. Bul - aǵylshyn tilinde qatesiz jazýdy úıretetin jáne aǵylshyn gramatıkasyn tereń túsinýge taptyrmaıtyn saıt. Sebebi qatelikti kózge shuqyp kórsetip beredi. Onyń durys nusqasyn usynady. Sonymen qatar jazǵanyńyzǵa qaraı aǵylshyn tilinde jazý qabiletińiz qandaı deńgeıde ekenin kórsetedi.     
2. Http://www.bbc.co.uk/learningenglish/. Bul saıt sózdik qoryńyzdy tolyqtyrýǵa tamasha múmkindik beredi. Arnaıy jańa sózderdi mátin nemese vıdeo arqyly úıretedi. Onyń dybystalýyn jáne qalaı qoldaný keregin túsindiredi. Buǵan qosa, aǵylshyn tilindegi sóılemderdi tyńdap jáne ony túsiný qabiletińizdi jetildirý úshin aýdıo, vıdeo dárister bar.
3. https://dictionary.cambridge.org/dictionary/english-russian/. Aǵylshynsha sózderdi sapaly ári naqty aýdaryp beredi. Aǵylshyn tiliniń oqytýshylary aýdarma úshin dál osy saıtty qoldanýǵa keńes beredi. Sebebi ınternet keńistiginde aýdarmaǵa arnalǵan saıttar men qosymshalar barshylyq, alaıda sapalysy az.
4. http://ww3.idoceonline.com/. Bul saıtta da ózińizge beıtanys sózdiń maǵynasyn izdep kóre alasyz. Onyń artyqshylyǵy - kez kelgen sózdi izdeseńiz, ony qalaı etistikke nemese zat esimge aınaldyrýǵa bolatynyn kórsetedi. Bir sózdi túrli nusqada usynady.
5. https://www.newsinlevels.com/. Ózińizdi qyzyqtyratyn taqyrypty tańdap, soǵan qatysty mátindi oqı otyryp, jańa sózderdi úırenesiz. Mátindi tildi bilý deńgeıińizge qaraı tańdaı alasyz. Sózderge aǵylshyn tilinde túsindirme beredi. Bul tildi jaqsy meńgerýge jáne jańa sózderdi úırenýge yńǵaıly.
6. https://listen-and-write.com/. Aǵylshyn tilinde vıdeo dáristerdi kórip, ony saıtta tikeleı jazyp otyra alasyz. Jazbańyzda qate ketse birden eskertip otyrady.
7. https://www.bbc.com/news, https://www.aljazeera.com/, https://www.youtube.com/user/TEDxTalks. Aǵylshyn tiliniń oqytýshylary tildi jetik meńgerý úshin aptasyna úsh kún kýrsqa barýdan bólek sol tilde kúndelikti vıdeo kórip, aýdıo tyńdaýǵa, qysqa bolsa da ózińizdi qyzyqtyratyn taqyrypta maqala oqýǵa keńes beredi. Oǵan joǵaryda kórsetilgen saıttar kómektese alady. Kúndelikti 15-20 mınýtyńyzdy qıyp jańalyqtardy aǵylshyn tilinde tyńdasańyz nátıjesi kóp kúttirmeıdi.
8. https://learnenglish.britishcouncil.org/en/skills. Bul saıtta taqyryptardy suryptap, oǵan qatysty sózderdi jınaqtaǵan. Búgin saıahatqa qatysty sózderdi meńgerseńiz, kelesi vıdeodan bala, otbasyǵa qatysty sózderdi bilesiz.
9. https://www.futurelearn.com/. Bul saıtta tegin onlaın kýrs oqı alasyz. Bul kýrs ásirese oqytýshylarǵa paıdaly.
10. http://ww1.howsjay.com/ saıtynda gramatıkaǵa basymdyq beredi. Kásibı aǵylshyn tili, jalpy aǵylshyn tili dep suryptalǵan. Sonymen qatar emtıhanǵa da onlaın daıyndalýǵa bolady. Onyń ishinde IELTS-qa qajetti materıalmen tanysa alasyz.
11. http://www.manythings.org. Bul saıtta oqý, tyńdaý, sózdik qordy tolyqtyrý boıynsha kýrstar bólek berilgen. Ásirese kishkentaı balalarǵa til úıretýge yńǵaıly. Sebebi ishinde oıyn túrinde jańa sózderdi úıretedi. Kýrstyń qorytyndylaıtyn oıyndar bar. Ol mıǵa da qonymdy ári qyzyqty.
12. http://a4esl.org/ saıtynda gramatıkany meńgerip, jańa sózdermen tanysa alasyz. Aǵylshyn tilin endi oqyp júrgenderge de yńǵaıly. Sebebi gramatıka men sózder ońaı, qıyn jáne óte qıyn deńgeıleri boıynsha suryptalǵan.