Belarýsıada Qazaqstannyń tanymal ánshisi Roza Rymbaevanyń esimi jazylǵan juldyz ornatyldy. Bul týraly ánshi óziniń Instagram-daǵy paraqshasynda jazdy, dep habarlaıdy Qamshy.kz aqparat agenttigi.
«Meniń qymbattylarym! Búgin Vıtebsk qalasyndaǵy Juldyzdar alańynda meniń esimim jazylǵan juldyz ashyldy. Slaván bazary óner festıvaliniń basshylyǵyna jáne el prezıdenti Lýkashenkoǵa osyndaı keremet festıvál uıymdastyrǵandary úshin alǵys aıtamyn. Men baqyttymyn! Rozalaryńyz qashan da sizdermen», - dep jazdy Roza Rymbaeva paraqshasynda.
Aıta keteıik, qazaqtyń estradalyq ánshisi, aktrısa, pedagog-professor Roza Qýanyshqyzy QR Mádenıet jáne sport mınıstrligi uıymdastyratyn keshterden birneshe jylǵa shettetilgeni jaıly málimdegen edi.
Budan buryn ánshi «roıál joq eken» degen bir aýyz sózi úshin týǵan qalasy Semeıdiń keshterinde óner kórsetý múmkindiginen aıyrylǵan. Keıin mádenıet mınıstrligi uıymdastyrǵan keshterden de bes jylǵa deıin shettetildi. Muny Roza Qýanyshqyzy Óńirlik komýnıkasıalar qyzmetiniń baspasóz máslıhaty kezinde aıtqan bolatyn. Buǵan qosa ánshi Astananyń 20 jyldyǵyna arnalǵan merekelik keshterde de boı kórsetpedi.
