Búginde elimizde tamyryn tereńge jaıǵan, kúıip turǵan máselelerdiń biri – jemqorlyq. Memlekettik búdjetten bólinetin qarjynyń bir shetinen qaltasyna basyp qalýdy oılaıtyndar áli de barshylyq. Jaǵamyzdy ustatqan jaǵdaı – Qazaq agrarlyq ýnıversıteti stýdentteriniń túski asy. 20 stýdenttiń túski asyna – 4 351 000, ıaǵnı bir stýdenttiń tamaǵy 217 550 teńge. Munshalyqty qymbat turatyn ol qandaı tamaq boldy eken? Bul jaıynda Dıdar Smaǵulov esimdi zańger óziniń Facebook paraqshasynda jazady.
«Qazaq agrarlyq ýnıversıtet basshylyǵy 20 úzdik stýdentke túski as berýdi josparlǵan. Olardyń sany – 20. Alǵashynda IP TES kompanıasymen kelisimge otyryp, olar 17 000 jáne 19 000 teńgege eki ústel daıyndaıtyn bolyp kelisken. Iaǵnı ár stýdentke 850 teńgeden. Almaty stýdentteri úshin bul qalypty baǵa. Biraq jeltoqsan aıynda baǵalar kúrt ósip ketti me, belgisiz, JOO IP TES kompanıasymen taǵy da qosymsha kelisim jasap, qarjyny 10 187 000-ǵa biraq shyǵardy! Stýdentten sany kóbeıdi me dep oıladyq? Joq, olaı emes, stýdentter sany sol bastapqydaǵydaı 20 boldy», - dep jazady zańger Dıdar Smaǵulov.
Stýdentterge beriletin túski astyń máziri:
Ýnıversıtet basshylyǵy bul jaǵdaıǵa qatysty bylaı dep jaýap berdi: «Tenderde 20 stýdent dep kórsetilgenimen, 113 stýdentke túski as berildi. Bul ýnıversıtet 2005 jyldan beri «Jasyl el» baǵdarlamasyna qatysyp keledi. Jyl saıyn jazǵy demalys kezinde erikti stýdentter aýlany tazartyp, jóndeý jumystaryna qatysady. Alǵashynda tek 20 stýdentke túski as berý josparlanǵan bolatyn, keıinnen stýdenttik keńes barlyq stýdentter úshin tegin túski as uıymdastyrýdy usyndy. Memlekettik tenderde qosymsha kelisimsharttar jasaldy».
Ýnıversıtet basshylyǵynyń aıtýynsha, barlyq qarajat stýdentterdiń ıgiligine jumsalǵan jáne eshqandaı da quqyq buzýshylyq bolmady.
Al kelisimshart jasalǵan qujatta 20 stýdentke 4 351 000 dep kórsetilgen:
