«Para berseń jazalanasyń». Aqtaýda «Arnaıy montorıng toby» músheleri jol polısıasy qyzmetkerlerimen paraqorlyqqa qarsy profılaktıkalyq túsindirý jumystaryn júrgizdi.
Birneshe kún qatarynan «Joldarda sybaılas jemqorlyq deńgeıin tómendetýdiń 10 qadamy» aıasynda qala joldarynda reıdtik sharalar ótip jatyr.
Reıdke oblystyq «Arnaıy monıtorıń toby» tóraıymy Rýhıa Aldonǵarova, orynbasary Áset Manov, músheleri Kıikbaı Eshmanov pen Nıkar Rafıkova, Mobıldi toptyń múshesi Rımma Ótesbaeva qatysty.
Jemqorlyqtyń aldyn alý jumystaryn QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti uıymdastyryp otyr.
İs-sharanyń maqsaty – jol polısıasy qyzmetkerleri men júrgizýshiler arasynda sybaılas jemqorlyq quqyqbuzýshylyqtary úshin qylmystyq jáne ákimshilik jaýapkershilik bar ekenin túsindirý.
«Para berseń jazalanasyń» atty paraqshada «Para berýshi 15 jylǵa deıingi merzimge bas bostandyǵynan aıyrýǵa jazalanady» dep naqty jazylǵan.
Iaǵnı, tek para men zańsyz syıaqylardy alýshylar emes, para berýshiler de qylmystyq jáne ákimshilik jaýapkershilikke tartylady.
Budan basqa, sybaılas jemqorlyq derekterimen kezdesken jaǵdaıda kez-kelgen azamat respýblıkalyq 1424 jáne óńirlik +7 707 170 14 24 shuǵyl jelilerine habarlasýǵa bolady.