Salynyp jatqan turǵyn úı kóleminiń ulǵaıýy jyljymaıtyn múlik naryǵynda baǵanyń tómendeýine oń áserin tıgizedi dep habarlaıdy Atyraý qalasy ákiminiń baspasóz qyzmeti.

2018 jyly óńirde 3892 páterlik 44 kóp qabatty turǵyn úıdiń qurylysy bastaldy, 34 úı osy jyly paıdalanýǵa beriledi. Oblys ortalyǵynda 39 turǵyn úıdiń qurylysy júrgizilýde, qalǵandary – aýdandarda.

Bul Qazaqstannyń táýelsizdik jyldaryndaǵy turǵyn úı qurylysy boıynsha eń joǵarǵy kórsetkish bolyp tabylatynyn atap ótý qajet.

Atyraý qalasynyń ákimi Alımuhammed Quttumuratuly «Bereke» yqsham aýdanyndaǵy turǵyn úı qurylysyn tekserip shyǵyp, qaramaǵyndaǵylarǵa birqatar naqty tapsyrmalar berdi.

Mundaı kóp turǵyn úıdiń qurylysy jeke qurylys salýshylar tarapynan qyzyǵýshylyqtyń joǵary bolýynyń nátıjesinde múmkin boldy. Oblys basshylyǵymen óńirdiń ınvestısıalyq ahýalyn jaqsartý boıynsha birqatar jumystar atqaryldy, bul óz kezeginde Atyraýda qurylys salasynda serpilisin týdyrdy, - dep atap ótti Alımuhammed Quttumuratuly. – Bizdiń mindetimiz óz qarajatyn turǵyn úı qurylysyna ınvestısıalaǵysy keletinder úshin meıilinshe qolaıly jaǵdaılar jasaý. Bul óz kezeginde ıpotekalyq turǵyn úı naryǵynda baǵanyń tómendeýine oń áserin tıgizedi.