Zakon.kz redaksıasyna almatylyq qyz habarlasyp, avtobýsta óziniń soqqyǵa jyǵylǵanyn aıtqan. Onyń aıtýynsha, ol jol aqysyn tólegennen keıin bılet talap etkeni úshin soqqyǵa jyǵylǵan, dep jazady Qamshy.kz aqparat agenttigi.
Jábirlenýshi avtobýsta Ońaı kartasynda aqsha bitip qalǵanyn kórgennen keıin jol aqysyn júrgizýshige beredi, alaıda júrgizýshi bılet berýden bas tartqan.
«Bul jaǵdaı jeksenbi kúni saǵat ekiler shamasynda boldy. Keshe Nazarbaev pen Tóle bı kósheleriniń qıylysyndaǵy aıaldamadan №79 avtobýsqa otyrdym. Kartada aqsha bitip qalǵanyn kórgennen keıin avtobýs júrgizýshisine 200 teńge tóledim. Osydan keıin bılet berýin surap edim, eshkimge bılet berilmegenin aıtty. Júrgizýshiniń sózine senbedim. SMS arqyly jol aqysyn tóleýge bolatyny esime túsip, aqshany qaıtaryp berýin suradym. Men habarlama jiberdim, biraq tehnıkalyq aqaýlarǵa baılanysty jol aqysy alynbady. Júrgizýshiden kómek surap edim, dóreki túrde jaýap berdi de aqshany berýdi surady. Sol kezde «bılet beresiz be?» dep taǵy suradym. Ol bermeıtinin aıtyp, budan bylaı oǵan múlde sóılemeýge keńes berdi» deıdi I.Aqbergenova.
Osydan keıin jolaýshy Green Bus Company avtoparkine qońyraý shalǵan, biraq eshkim telefondy kótermegen. Osydan keıin kontroller áıeldiń qolynan telefondy julyp alyp, salonǵa laqtyryp jibergen.
«Green Bus-qa qońyraý shaldym. Telefon sóndirýli boldy. Internette basqa nomerlerdi izdeı bastadym. Kondýktor kirdi. Oǵan mán-jaıdy túsindire bastap edim, múgedek ekenime qaramastan qolymnan ustap silkilep, jol aqysyn tóleýimdi talap etti. Qolymdy jiberýimdi ótinip, nelikten bulaı jasap jatqanyn suradym. Ol meniń sózimdi pysqyrmady da. Onyń beıdjıgin sýretke túsirý úshin telefonymdy shyǵaryp edim, telefonymdy qolymnan julyp alyp laqtyryp jiberdi. Sómkemdi julqylaı bastady. Ol avtobýstan shyǵyp nemese aıyppul tóleýimdi talap etken joq. Meniń bar kinám tólem nege ótpeı jatqany men bılet nelikten berilmegenin suraǵanym. Ol ózin óte dóreki ustady. Sómkemdi jyrtýǵa sál-aq qaldy. Osydan keıin ol Abaı men Seıfýllın kósheleriniń qıylysynda túsip qaldy», deıdi jolaýshy.
Almatylyq qyz polısıaǵa shaǵym túsirdi. Avtobýstan shyǵa sala áıel jaraqatyn túsirip, jaqyn mańdaǵy aýrýhanaǵa bardy. Bolǵan jaǵdaıǵa qaramastan Aqbergenova kontrollerdi jumystan shyǵarýyn talap etpeımin dep otyr.
«Kompanıadan mundaı jaǵdaı ekinshi márte qaıtalanbaýy úshin arnaıy shara qoldanýyn suraımyn. Kontrollerdi jumystan shyǵarǵannan másele sheshilmeıdi. Olar ádeptilikti saqtaý kerek qoı» dedi Almaty turǵyny.
