«Atameken» ulttyq kásipkerler palatasy «Atameken Services» elektrondy aqparat júıesin iske qosty. Endi kásipkerler segiz baǵytqa toptastyrylǵan 61 qyzmet túrin úıinde otyryp-aq, uıaly telefon nemese kompúter arqyly onlaın rejimde paıdalana alady. 

Keshe «Atameken» ulttyq kásipkerler palatasy sarapshylarynyń qatysýymen ótken beınekonferensıada palatanyń naryqty saraptaý jáne qadaǵalaý ortalyǵynyń dırektory Serikbek Elshibekov «Atameken Services» - elimizdi sıfrlandyrý aıasyndaǵy jańa joba ekenine toqtalyp ótti. Bıznesti qarjylyq emes qoldaýǵa baǵyttalǵan platforma kásipkerlerge «Atameken» UKP qyzmetterine tegin ári yńǵaıly qol jetkizýi úshin qurylǵan. Kásipkerler aqparattyq júıeniń kómegimen servıstik qoldaý boıynsha ótinimder bere alady. Bıznes júrgizýge qajetti barlyq qyzmet túri boıynsha keńester alýmen qatar qujat aınalymyna jumsalatyn ýaqytty únemdeıdi.  

Qazirgi tańda elimiz boıynsha «Atameken» UKP-nyń 189 kásipkerlerge qoldaý kórsetý ortalyǵy men 25 kásipkerlerge qyzmet kórsetý ortalyǵy qyzmet kórsetedi. Al jańa júıe qyrkúıek aıynyń sońyna deıin barlyq oblys ortalyǵy men aýdandarda qoljetimdi bolmaq.

Oǵan qosa elimizdiń barlyq qalasynda kásipkerlerge qashyqtan keńes alýǵa múmkindik beretin arnaıy qoǵamdyq qoljetimdilik pýnktteri bólimderi iske qosylmaq.