Mádenıet jáne tilderdi damytý bóliminiń basshysy Madına Dúısenbaeva qol astyndaǵy qyzmetkerlerdi balaǵattaǵany úshin jumystan shyǵaryldy.
Madına Dúısenbaevanyń qyzmetkerlerge til tıgizýge qatysty ótken keńes otyrysynda onyń qyzmetkerlerdi urǵany da anyqtaldy. Komısıa músheleri otyrys barysynda eks-bólim basshysynyń qyzmetkerlerge qarata aıtqan balaǵat sózder jazylǵan aýdıo jazbany tyńdady.
Madına Dúısenbaeva aýdıodaǵy ózi emes ekenin aıtyp, sendirýge tyrysty.
«Bul aýdıo jazbanyń maǵan eshqandaı qatysy joq. Aýdıo jazba boıynsha eshqandaı túsinikteme bere almaımyn» deıdi Madına Dúısenbaeva.
Mádenıet jáne tilderdi damytý bóliminde jumys isteıtin qyzmetker áıeldiń ony uryp, qolyndaǵy qaǵazdardy laqtyryp jibergenin, qaǵazdardy almaq bolǵan jerinen tepkenin aıtady.
Madına Dúısenbaevanyń ózi ol ýaqytta emosıaǵa erik bergenin aıtyp aqtalǵysy keldi.
Keńeste Sandyqtaý aýdany ákim orynbasarynyń Madına Dúısenbaevanyń ústinen túsirgen shaǵymy da qaraldy. Eks-bólim basshysy ony da balaǵattaǵan.
Madına Dúısenbaeva aýdan ákiminiń orynbasaryna qarata "Vyskochka" sózi balaǵat sózge jatpaıtynyn jáne onyń ádebı sóz ekenin aıtyp aqtaldy. Otyrystyń aıaǵyna qaraı áıel óz kinásin moıyndady.
Komısıa keńese kele Madına Dúısenbaeva memlekettik jumysta isteýge laıyq emes degen sheshimge kelip, ony jumystan shyǵaryp jiberdi.
