Facebook áleýmettik jelisinde jalańashtanǵan qyzdardyń kólik jýyp jatqan vıdeosy taraldy. Vıdeo avtory kólik jýý orny Aqtaýda ekenin aıtyp dostary men tanystaryn shaqyrdy.
Marketologtardyń aıtýynsha, keıde kásip ıeleri klıent tartý úshin osyndaı quıtyrqy áreketterge barady. Buǵan deıin de Astanadaǵy meıramhana ıesi qaltaly sheneýnikterdi qyzyqtyrý úshin symbatty, ártúrli taqyrypta sóılese alatyn qyzdardy jaldaǵan. Olar meıramhanada otyryp kelgen qonaqtarmen áńgime dúken qurady. Qonaq pen qyzdardyń arasyndaǵy áńgime saıasattan bastalyp, ómir jaıly fılosofıaǵa deıin ulasady.
Buryndary kásipkerler óz kásibin júrgizip, tutynýshylardy qyzyqtyrý úshin sapaly qyzmet kórsetip, qyzmet baǵasyn da qoljetimdi etýge tyrysatyn. Qazir básekelestik myqty bolǵandyqtan, osyndaı las qadamdarǵa baratyny ókinishti.
Jeli qoldanýshylary, aqsha úshin bóten erkektiń aldynda jalańashtanýǵa ázir qyzdardyń baryna qynjylatynyn jetkizgen. Endi biri «Mańǵystaýda qyzdarǵa aǵalyq qamqorlyǵyn tanytyp, toqtaý qoıa alatyn namysty jigit tabylmady ma?» dep aqtaýlyq jigitterge saýal joldady.
Endi biri qyzdardyń da, jigitterdiń de azǵyndap bara jatqanyn aıtyp kúrsindi.
Taǵy bir jeli qoldanýshysy vıdeo avtory men qyzdardy foto men vıdeoǵa túsirip turǵan er adamdarǵa qomaqty aıyppul salý kerek degen pikirde.
Qyzdardyń áreketin qoldaǵandar da tabyldy. Olardyń aqsha tabý úshin osyndaı qadamǵa barǵanyn aıtyp, qyzdardyń osyndaı kúıge túskenine jigitter qaýymyn kinálady.
Qyzdardyń osy qylyǵy úshin olardy soqqyǵa jyǵý kerektigin jazǵandar da bar.
«Kólik jýý qyzmetin usynǵan mekeme basshysynyń qyzy, qaryndasy, anasy joq pe eken. Bar bolsa óz qyzdaryn osylaı shyǵaryp qoıama?» dep jazdy jeli qoldanýshy.
Pikir bildirýshilerdiń basym kópshiligi jalańash qyzdardy vıdeoǵa, fotoǵa túsirip júrgen er adamdardy synǵa aldy.
"Ózge ultqa turmysqa shyqqan qazaq qyzdaryn jerden alyp, jerge salǵanda aldaryńa jan salmaısyńdar, al osyndaı shúıkebastardy kórgende máz bolasyńdar. Osyndaı da jigittik, ulttyq namystaryń qaıda ketedi?!" dep pikir qaldyrǵan eken jeli qoldanýshysy.
Bul rette jeli qoldanýshysy qyzdardy soqqyǵa jyǵyp nemese ony balaǵattap, vıdeoǵa túsirip, osy arqyly arzan ataq alyp, "batyr" ataný emes, qyzdarǵa aǵalyq aqylyn aıtý, qajet bolsa jumys tabýǵa kómektesip, jalańash kúıde kólik jýý úshin alǵan aqshasyn tóleý arqyly osyndaı dendegen máseleniń aldyn alýǵa tıtteı bolsa da septigin tıgizýdi meńzese kerek.
Vıdeony Facebook áleýmettik jelisine taratqan adam ultshyldardy jınap, vıdeodaǵy qyzdardy «qurtaıyq» dep jigitterge úndeý tastapty.
Esterińizge sala keteıik, bir top er adam jınalyp túngi klýbta jalańashtanǵan qyzǵa 50 myń teńge bergen Aıjan Baızaqovanyń ústinen aryz túsirgen. Osy jaǵdaıdan keıin kóptegen qazaqstandyq olardyń áreketin jalǵan batyrlyqqa balap, odan da ózekti máselede nelikten únsiz qalǵanyn surap, saýal joldaǵan bolatyn. Endi biri qazaq qyzdarynyń jalańashtanýy, aqsha úshin aryn satýy túptep kelgende er adamdardyń kinási ekenin aıtqan bolatyn.
