19 shildede saǵat keshki 18:00-ge taman qazaqstandyq mánerlep syrǵanaý sheberi Denıs Ten pyshaq jaraqatynan qaıtys boldy. Keshegi kún búkil Qazaqstan úshin qaraly kún sanaldy. Sebebi elimiz dara tulǵadan, talantty azamattan aıyryldy. 

Qazaqstandyq chempıondy ury ári qandyqol qylmysker Qurmanǵazy men Báıseıitov kósheliriniń qıylysynda pyshaqtap ketken edi. Sonyń saldarynan Denıs 3 lıtrge jýyq qan joǵaltty. Dárigerler onyń ómirimen 2 saǵat boıy arpalysty, alaıda nátıjesiz boldy. Juldyz bir sátte sóndi de qaldy. Denıstiń ólimine qaıǵyrmaǵan qazaqstandyq joq. Osyǵan oraı kesheli almatylyqtar sportshyny pyshaqtaǵan jerge baryp, Denıs Tenniń jarqyn sátterin esterine alyp, gúl shoqtaryn qaldyryp jatyr. Qaıǵyly oqıǵa oryn alǵan orynnan jýrnalıs Serik Abbas-SHah Facebook-taǵy paraqshasyna vıdeo saldy.

Bul orny tolmas qaza boldy. Denıstiń esimi el esinde máńgi saqtalady. Qamshy.kz aqparat agenttigi Denıstiń jalǵyz anasyna ári halyqqa qaıǵyryp kóńil aıtady.