Almaty ákimi Baýyrjan Baıbek jumys sapary barysynda eski úılerdi súrý baǵdarlamasyn júzege asyrý, aýlalardy abattandyrý jáne qalanyń birqatar dańǵyldaryn jańartý barysymen tanysty.
Mysaly, Súleımenov kóshesiniń qılysy men Jandosov kóshesinen joǵary ornalasqan uı turǵyndaryn ýaqytsha ornalastyrý men 50 jyldary salynǵan úılerdi súrý jumystary bastalady. 8 páterli úıdiń ornyna «Almaty ÁKK UK» AQ jeke qurylys júrgizýshimen birge ortalyqtandyrylǵan komýnıkasıa júıesi bar kópqabatty turǵyn úı salýdy josparlaǵan. Jalpy osy aımaqta 44 eski úıler súriledi.
Jetisý aýdany Raıymbek dańǵyly boıyndaǵy 2,7 ga jerge ornalasqan eki qabatty apatty úı súriledi. Jalpy, taıaý jyldary 500 eski jáne apatty úıler buzylyp, olardyń ornyna 1,2 mln. sharshy metr turǵyn úı salynady.
«Bul baǵdarlamany júzege asyrý birqatar máseleni sheshýge jol ashady. Qalanyń kelbeti ózgeredi, jumys ornydary ashylady, ınvestısıa tartylady, eń bastysy, qalalyqtardyń turmystary jaqsarady», - dedi Baýyrjan Baıbek.
Jumys sapary barysynda qala ákimi Áýezov aýdanyndaǵy jańarǵan aýlalardy kórdi, bıylǵy jyly 65 aýla jóndeledi. Eger ótken jyly qalada 500 aýla jóndelse, bıyl taǵy da 600 aýla jańarady.
Jańa aýlalardy salý kezinde balalar jáne sport alańdary, trenajer jáne oıyn keshenderi paıda bolady. Olardyń edenderine asfált jáne rezına tóseledi, oryndyqtar men ýrnalar qoıylady, jaryq kózderi ornatylady.
Keıbir aýlalarǵa pılotty rejımde kún sáýlesimen jumys isteıtin jaryq baǵanalary ornatylǵan. Keıin olar ózge aýlalardy jóndegen kezde keńinen paıdalanylady.
Almaty ákimi qalanyń tarıhı ortalyǵyn jańartýǵa qatysty júrip jatqan qurylys jumystarynyń qarqynymen tanysty. Qazirgi kezde Abaı, Abylaı han, Nazarbaev dańǵyldary men Abaı alańynda ınjenerlik jelilerdi qaıta júrgizý, tas tóseý, jaryq baǵanalaryn, sýarý júıelerin aýystyrý, kire berister men nysannyń syrtqy kelbetin ózgertý jumystary júrip jatyr. Rekonstrýksıa aıasynda jaıaý júrginshi aımaǵy keńeıedi, kóleńkeli keńistikke jasyl jelek otyrǵyzylady, fontandar jańarady jáne salynady.
