Almaty elimizdegi krımınal jıi oryn alatyn qaýipti qalalardyń tiziminde kósh bastap tur. Jyl bastalǵaly qalada 33,5 myń qylmys áreketteri tirkelgen eken.

Bul týraly Qamshy.kz aqparat agenttigi tengrinews.kz portalynyń málimetine silteme jasap habarlaıdy.

Bas prokýratýraǵa qarasty Quqyqtyq statısıka jáne arnaıy esepke alý komıtetiniń veb-saıtynda jarıalanǵan quqyqbuzýshylyq kartasynyń derekterine sáıkes, Almaty, Shyǵys Qazaqstan, Qaraǵandy, Ońtústik Qazaqstan oblystary men Astana jáne Almaty qalalary Qazaqstandaǵy eń qaýipti óńirler bolyp sanalady.

Almaty qalasy boıynsha qalanyń ortalyǵyndy qylmys jıi oryn alady. Máselen Almaly aýdanynda jyl bastalǵaly 7 064 qylmys tirkelgen. Bıyl 19 shildede Almaly aýdanyndaǵy Qurmanǵazy jáne Baıseıitova kósheleriniń qıylysynda belgili qazaqstandyq mánerlep syrǵanaý sheberi Denıs Tendi túski ýaqytta pyshaqtap ketken bolatyn. 3 lıtr qan joǵaltqan sportshy aýrýhanada qaıtys boldy.

Odan keıin Áýezov aýdany (5 565 qylmys) jáne Bostandyq aýdany (5 245 qylmys) qaýipti aýdandar retinde tirkeldi.

Al qylmys sany jaǵynan eń tómengi orynda turǵan aýdan Naýryzbaı eken. Onda jyl bastalǵaly 1 323 quqyq buzýshylyq áreketter tirkelgen.