Almatyda VI-shi shaqyrylymdaǵy qalalyq máslıhattyń kezekten tys ótken sesıasy barysynda bıylǵy jylǵy qala búdjeti naqtylandy. Memlekettik satyp alýdy únemdeý esebinen júrgizý jáne jobalardy 9,3 mlrd. teńgege oıtaılandyrý arqasynda ishki rezervterdi qaıta bólý barysynda naqtylandyrý sharasy júzege asty.

Bıylǵy jyldyń birinshi jartyjyldyǵynda Almaty ekonomıkasynyń barlyq salalarynda 103,8% ósimge qol jetti. Mysaly, bólshek saýda 8,3%-ǵa, ónerkásip 4,4%-ǵa, qurylys 4,7%-ǵa ulǵaıdy, bes aıdyń ishinde sheteldik ınvestısıa 25,1%-dy qurady. Memlekettik búdjetke salyq túsiminiń 110,3%-ǵa ósýi qamtamasyz etildi.

Búdjetti naqtylaý barysyndaúnemdelgen qarjy esebinen áleýmettik máselelerdi, sonyń ishinde syrtqy jaryq kózderin, trotýarlardy jóndeýge,jańa yqsham aýdandarda jol salýǵa, qaýipsizdikti arttyrýǵa jáne múmkindigi shekteýli jandardǵa qoldaý kórsetýge jumsalatyn shyǵyn kózderi anyqtaldy.

Mysaly, qalanyń birqatar aýdandarynda syrtqy jaryq kózderine aǵymdaǵy jóndeý jumystary júrgiziledi, Alataý aýdanyndaǵy Aqbulaq, Alǵabas, Qarasý, Kók-Kaınar, Uljan-2 yqsham aýdandarynda jol jóndeý bastaldy. Túrksib aýdanyndaǵy Jas qanat eldi mekeninde jol jóndeý jalǵasýda.

Múmkindigi shekteýli jandarǵa qoldaý kórsetý maqsatynda 675 adamǵa tıflotehnıkalyq, 871 adamǵa sýrdotehnıkalyq jabdyqtar satyp alynady.

«Eńbekke qamtý jáne buqaralyq kásipkerlikti qoldaý» aıasynda myńdaǵan jumyssyzdar 50 mamandyq boıynsha kásibı daıyndyqtan jáne qaıta daıyndyqtan ótedi.

Bulardan ózge, jalpy bilim beretin mektepterdi oqýlyqtarmen qamtý úshin qosymsha 193,5 mln. teńge qarastyryldy. Qaýipsizdikti arttyrý maqsatynda jeti mektep nysandaryn seısmıkalyq myqtylaý jumystary júrgiziledi.

Eske salsaq, «Almaty-2020» damý baǵdarlamasyna jáne qalalyqtardyń áleýmettik máselelerin sheshýge negizdelgen Almaty búdjeti bıylǵy jyly 526,7 mıllıard teńgeni quraıdy.