Shymkent qalasynyń turǵyny Roza Beketaevanyń «Jıyrma kún» degen taqyryppen feısbýkte jarıalaǵan tómendegi myna jazbasy eshkimdi beıjaı qaldyra qoımas. Tapa tal túste óz múlkińizdi qorǵaımyn dep ajal qushsańyz tań qalmaıtyn boldyq. Endi kún shaqyraıyp turǵan kezde turǵyn úıdiń adamdary óz úılerine kirýden qorqatyn boldy. «Sebebi aınala tolǵan buzaqylar. Olar polısıadan qoryqpaıtyn boldy. Polısıa olardy ańdymaıtyn boldy» deıdi jazbanyń astyna pikir qaldyrýshylar.

Oqyrman nazaryna Roza Beketaevanyń tómendegi jazbasyn usynamyz:

«Meniń Shymkent qalasy, ál-Farabı AİİB aryz jazǵanyma búgin tup-týra 20 kún. 
Týra osynsha kún tynyshtyq, tyrp etken polıseıdi kórmedim. Tym-tyrys!
Týra osynsha kúnnen beri men jáne kórshilerim álgi buzaqy taǵy daqaıta aınalyp kelip, jas balalarǵa álimjettik jasap, qorqytyp, tonap, tipti zorlap kete me dep alańdaýlymyz!
Bylaı boldy. 5 shilde. Keshki saǵat 19.30 shamasy. Jumystan qaıtqanmyn. Podezd. Men 2 qabatqa jetkende joǵarydan tómen qaraı bir jigit túsip kele jatty. Biraq ol syrtqa shyqqan joq. Kilt burylyp, meniń sońymnan erdi.
Sońǵy bir aıdyń shamasynda ony bizdiń "domnan" eki ret kórgenmin. Birinde podezde temeki shegip turǵanyna urysqanmyn. Sondyqtan túri esimde qalypty. 20-25 jas shamasyndaǵy qyrma saqaly bar túrikke uqsaıtyn jigit. 
Buryn kórgendikten turǵyndardyń biriniń týysy ne dosy dep oılap, kúdiktenbedim. 
Biraq...Menen ozyp ketsin dep jaı júrsem, ol da jaı, men tezdetsem, ol da asyǵa jóneletini unamaı qaldy. Telefonymdy shuqylaǵan bolyp toqtap edim, ol da toqtady. "Ozyp ketshi" dep aıtpaqqa buryla bersem, álgi maǵan shabýyldaýǵa daıyn tur eken. Sómkem, sotkamdy qysa ustaǵan boıy qustaı ushtym. Ol qýa jóneldi. Kórshiler estisin dep aıqaılap qoıamyn. Biraq ol qaımyǵatyn emes. Iyqqa qoly jetkende julqylap úlgerip jatty. 
Ne kerek, álgi túrik tektes beıtanys meni esigimniń aldyna deıin qýyp bardy. Abyroı bolǵanda úıde balam jáne inim bar edi. Meniń janushyrǵan daýsymdy estip, esik ashyp, "Ne boldy, nege aıqaıladyńyz?" dep surap jatyr. 13-te ǵana bolǵanmen, daýystary jýandap kele jatqan "perehodnoı vozrasttaǵy" balalar ǵoı. 
Qýyp kele jatqan qaraqshym osy kezde kilt toqtady. Áıtpese...
Áıtpese júgirip kele jatyp sheship úlgergen belbeýimen ursa nemese qylqyndyrsa... qudaı saqtasyn! Dala qarańǵy, podezd qarańǵy bolsa bir sári. Aınala jap-jaryq, kún batpaǵan ári jurttyń bári jumystan qaıtyp jatatyn qaýyrt shaqta eshnárseden taısalmaı bulaı shabýyldaǵan jan eresekter túgel jumysta, balalar páterlerine ózderi kirip-shyǵyp júrgen tapa-tal túste bireýin óltirip, ekinshisin zorlap ketýden, úılerin tonap, órtep jiberýden taıynbaıtyny anyq!
Men 102-ge 2 ret "zvondadym". Kótergen jan bolmady. (Olardyń tutqany alýy "azap" ekenin ótkende advokat Bolat Dosybekov te óz paraqshasynda jazǵan bolatyn). 
Ýchastkovyıǵa 5-6 ret zvondap júrip, túngi 11.30-da zorǵa shaqyryp aldyq-aý.
Olar kelgenshe jas balalary kúnimen podezde óz betinshe oınap, kirip-shyǵyp júretin birneshe otbasyǵa eskertip, balalarǵa abaı bolýyn tapsyrdym. Qyzyq álde sumdyq deıin be, osy jerde málim boldy! Álgi meni qýalap júrgen "manák" sodan týra 1 apta buryn joǵary qabatta turatyn D. esimdi kelinshekti de páterine deıin "ańdyp" barǵan. Kúndiz! Tapa-tal túste! Amal joq, ashyǵyn aıtaıyn, ol kezde de álgi sum belbeýin sheship alǵan! 
Anyqtaǵanymyz, ol eshkimniń týysy, tanysy emes eken. Ony podezde 3-4 kórshi kórgen. Bári de eshkimniń úıine kirmeı, aınalshyqtap júredi deıdi. Bir aıdan beri...
Múmkin torýyldap, eresekteri jumysta, balalary qaraýsyz páterge tonaýǵa daıyndalyp júrgen shyǵar? 
Belbeýin sheshkish sum eken, balalardyń birin zorlap ketse she?
Bári múmkin ǵoı!
Tapa-tal túste áıelderdi qýalap júrgen mundaı sumnan bári shyǵady! 
... Bul másele boıynsha men aryz jazdym, "operge" qylqyldap júrip fotorobot jasattym. Podezge ilip qoısam, balalar da, turǵyndar da saq bolar degen oıym bar edi. Biraq ony qolǵa bermedi. Bolmaıdy dedi. 
Osy jerde bir suraq týyndaıdy: ǵalamtorda kúdiktiler men qylmyskerlerdiń fotoroboty turmaq beınejazbasy men sýretteri de júredi ǵoı. Al bul jaǵdaıda nege ruqsat joq bolyp qaldy?
Jaraıdy, ony qoıa turaıyn. Aıtaıyn degenim, bul aryz boıynsha tyrs etip qozǵalǵan polıseı bolǵan joq. Tap sol "qaraqshy" qýǵan D-dan da eshqaısysy eshteńe suramady.
Tym-tyrys!
Jıyrma kúnnen beri!!!
Úsh apta buryn kelgen myna sms-ti qushaqtap áli otyrmyn..."