Elimizde «Elektrondyq vıza» jol kartasyn júzege asyrý boıynsha jumystar júrgizilýde. Osy rette shetel azamattaryna e-vızanyń qandaı maqsatta beriletini belgili boldy.
QR Syrtqy ister mınıstrliginiń baspasóz qyzmetiniń málimetinshe, Qazaqstan múddeli memlekettik organdarymen «Elektrondyq vıza» jol kartasyn júzege asyrý baǵytynda birqatar ister atqarylýda. Atalǵan júıeni engizý aıasynda ótinishtiń elektrondy nusqasyn jasaý jáne bir rettik elektrondyq vıza alý (iskerlik, týrısik nemese emdelýge) qarastyrylyp jatyr.
Al, e-vızanyń pılottyq jobasy 2018 jyly iske qosylady dep josparlanýda. «Pılottyq jobany júzege asyrý úshin shaqyrý, vıza berý, elde bolý jáne elden shyǵý tártibin baqylaıtyn algorıtm ázirleý boıynsha jumystar júrgizilip jatyr», – dedi SİM-niń ókilderi.
Eger de sheteldikter Qazaqstan Respýblıkasynyń memlekettik shekarasyn kesip ótken jaǵdaıda olar elektrondyq vızany Astana jáne Almaty qalalarynyń áýejaılary arqyly rásimdeı alady.
Buǵan deıin, QR Syrtqy ister mınıstrligi jobany júzege asyrý úshin elektrondy vıza berý júıesiniń qadamdyq algorıtmi men elder tizimi ázirlenip jatqandyǵyn málimdegen bolatyn.
Aıta keteıik, «Elektrondy vıza» jol kartasy 2018 jyldyń 16 aqpanynda bekitilgen edi. E-vıza tikeleı qarym-qatynassyz, kez kelgen memlekette qazaqstandyq vızany alý múmkindigin beredi. Ol «Sıfrlyq Qazaqstan» memlekettiń baǵdarlamasynyń aıasynda engizilgen bolatyn. İshki ister mınıstrliginiń málimetinshe, 2017 jyly qos azamattyǵy bar 600-ge jýyq qazaqstandyq anyqtalyp, jaýapkershilikke tartylǵan eken.
Buǵan qosa, sońǵy úsh jylda elimizde 330 myń shetel azamatynyń ústinen is qozǵalǵan. Al, elektrondyq vızanyń engizilýi kóptegen keleńsizdikterdi sheshedi dep kútilýde. Qazaqstanǵa kelgisi keletin sheteldik qonaqtarǵa e-vızany alý úshin konsýldyq bólimderge barý mindet emes. Budan bylaı olar elektrondyq vızany Astana jáne Almaty qalalarynyń áýejaılary arqyly rásimdeı alady nemese QR-nyń mıgrasıalyq qyzmetniń aqparattyq portalyna kirip, anketa toltyrýlary qajet. Iaǵnı, elge kelýdegi negizgi maqsaty, qarjylyq ahýaly, qansha ýaqytqa kelgendigi týraly aqparattar. Bul boıynsha kez kelgen shetel azamaty jeke málimetterin, elge kelý maqsaty men bolý merzimin, qarjylyq múmkindikterin onlaın kórý múmkindigine ıe boldy. Qazirgi tańda qazaqstandyqtar 61 memleketke vızasyz rejımde kire alady (30 kún ishinde).
