Ekaterınbýrg turǵyny qaıtys bolǵan jubaıyn jerleýdiń ornyna, onyń denesin birneshe aı boıy páterinde saqtap kelgen. Erli-zaıyptylardyń kórshileriniń aıtýy boıynsha, áıel kúıeýiniń atynan zeınetaqy alyp otyrǵan dep jazady Qamshy.kz aqparat agenttigi sheteldik BAQ-qa silteme jasap.

Er adamnyń qaıtys bolǵanyna birneshe aı bolǵandyǵy belgili boldy. Sebebi páterden uzaq ýaqyt boıy jaǵymsyz ıis shyǵyp turǵan. Birneshe aı boıy jerlenbegen mýmıaǵa aınalǵan máıit Kýıbyshev kóshesindegi úıdiń aýlasynan tabylypty. 

Jergilikti turǵyndardyń aıtýy boıynsha, kúıeýin birneshe aı saqtaǵan áıel máıitti halatqa orap, kóshege shyǵarǵan. Soǵan qaraǵanda ol máıittiń múrdesin qoqysqa tastamaq bolǵan, alaıda jetkize almapty. 

Ekaterınbýrg boıynsha İİMB er adamnyń mýmıaǵa aınalǵan máıiti tabylǵanyn rastap, onyń ólgen ýaqyty men sebebin sarapshylar anyqtaıtynyn málimdedi.

Otbasynyń tanystary erli-zaıyptynyń ishimdikti jıi ishkenin, al áıel keıde qaıyr tilegenin málimdedi.